სახელმწიფო უსაფრთხოების სამსახურის ინფორმაციით,  გაბრიელ სალოსის ქუჩაზე მდებარე  ბინაში  მყოფმა ახმედ ჩატაევმა  სპეცოპერაციისას თავი აიფეთქა, ხოლო მასთან ერთად მყოფი ორი პირის ლიკვიდაცია განხორციელდა. კიდევ ერთი პირი კი, როგორც სუს-ის პრესსამსახურის უფროსმა ნინო გიორგობიანმა განაცხადა,  სამართალდამცველებმა დააკავეს. მას სასამართლომ  წინასწარი პატიმრობა შეუფარდა.

„გამოძიებით დგინდება, თუ როგორ მოხვდნენ აღნიშნული ჯგუფის წევრები საქართველოში. ასევე დგინდება მათი შესაძლო კავშირი სხვა დანაშაულებრივ პირებთან. საერთაშორისო პარტნიორების მიერ მოწოდებული ინფორმაციის საფუძველზე, სუსმა დაიწყო სპეციალური დამატებითი ღონისძიებების გატარება შესაძლო დანაშაულებრივი ჯგუფის გაუვნებელყოფის მიზნით. სპეცოპერაციის ფარგლებში  დაკავებულ იქნა ერთი პირი.

სპეცოპერაციის საწყის ეტაპზე რამდენიმე საათის განმავლობაში სუს-ის  კონტრტერორისტრული დეპარტამენტი მათთან აწარმოებდა მოლაპარაკებებს დანებების თაობაზე. მოლაპარაკებების პარალელურად მოსახლეობის უსაფრთხოების დაცვის მიზნით, განხორციელდა ადგილობრივი მაცხოვრებლების ევაკუაცია კორპუსიდან და ასევე მიმდებარე ტერიტორიიდან.  მრავალსაათიანი და ინტენსიური ოპერაციის დროს მათ სიცოცხლესა და ჯანმრთელობას საფრთხე არ შექმნია.დანაშაულებრივი ჯგუფის წევრებმა სამართალდამცველების შეთავაზებაზე, რომ დანებებულიყვნენ, უარი განაცხადეს.გახსნეს ცეცხლი ავტომატური ცეცხლასროლი იარაღიდან და ხელყუმბარები ისროლეს. სპეცოპერაცია მიმდინარეობდა მჭიდროდ დასახლებულ გარემოში და ყველა კონკრეტული ნაბიჯი იგეგმებოდა უსაფრთხოების მაქსიმალური  დაცვის გათვალისწინებით. 20 საათიანი სპეცოპერაციის შედეგად, დანაშაულებრივი ჯგუფის წევრებიდან  ორი პირის ლიკვდაცია განხორციელდა, ხოლო ბინაში მყოფმა ერთმა პირმა ახმედ ჩატავემა თავი აიფეთქა“,-აღნიშნა ნინო გიორგობიანმა.

გიორგობიანის განმარტებით, დანაშაულებრივი ჯგუფის წევრებს თან მათი ვინაობის მაიდენტიფიცირებელი არანაირი დოკუმენტი არ ჰქონიათ.

„ აღნიშნული პირების იდენტიფიკაციის პროცესში ჩართულები არიან ჩვენი საერთაშორისო პარტნიორები“,-აღნიშნა ნინო გიორგობიანმა.

ავტორი: ,

სოციალური ქსელები

ევროკავშირის ახალი ინიციატივები აზერბაიჯანისთვის და სომხეთისთვის, საქართველო ბორტს მიღმაა

უილსონი - დიქტატორ ხამენეის დაკრძალვაზე ამერიკის ყველაზე უარესი მოძულეები იკრიბებიან, ოცნების ყალბი პრეზიდენტი ყაველაშვილი ცერემონიალზე დასწრებას გეგმავს

კიევზე რუსული ავიაციის მიერ განხორციელებული იერიშის შედეგად დაღუპულთა რიცხვი 30-მდე გაიზარდა, დაიჭრა 90

თინა ბოკუჩავა – მქონდა ძალიან სერიოზული სინდისის ქენჯნა, რომ ხაბეიშვილის შეცვლის მიზეზად დასახელდა ჯანმრთელობის მდგომარეობა, რაც არ იყო რეალური