გერმანიის კანცლერი ანგელა მერკელი ქვეყანაში კიდევ ერთი არჩევნების ჩატარების მომხრეა, - ამის შესახებ BBC იუწყება.

მედია საშუალების ინფორმაციით, მერკელი ქვეყანაში აღებული კრიზისიდან ამომავალ გზას სწორედ არჩევნებში ხედავს.

როგორც კანცლერმა განმარტა, იმის გამო, რომ ბუნდესტაგის არჩევნების შემდეგ, კოალიციის ჩამოყალიბების შესახებ მოლაპარაკებები წარმატებით ვერ შედგა, ქვეყანაში კრიზისული მდგომარეობაა.

ამასთან, მერკელი ვერ ხედავს აუცილებლობას იმაში, რომ მოლაპარაკებების ჩაშლის გამო, პოსტი დატოვოს. ანგელა მერკელი თვლის, რომ უმცირესობით წარმოდგენილი ხელისუფლება ნაკლებად სასარგებლო იქნება მმართველობის მხრივ.

მედია საშუალების ინფორმაციით, ეს ანგელა მერკელის კანცლერობის 12 წლის განმავლობაში პირველი კრიზისული პერიოდია.

ცნობისთვის, კოალიციური მთავრობის შექმნაზე ხანგრძლივ მოლაპარაკებებს შედეგი ჯერ არ გამოუღიათ. პარტიებმა საკვანძო პრობლემებზე შეთანხმება ვერ მოახერხეს. თუ პარტიათა შორის მოლაპარაკება ვერ შედგება, გერმანიაში ახალი არჩევნები დაინიშნება და მერკელის შეცვლა შესაძლოა მისივე პარტიამ მოისურვოს.

შეგახსენებთ, რომ გერმანიაში მიმდინარე წლის სექტემბერში ბუნდესტაგის არჩევნები ჩატარდა. არჩევნებში გამარჯვების შემდეგ, მერკელი ცდილობს დემოკრატიულ პარტიასთან და მწვანეებთან კოალიციის შექმნას.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს