საფრანგეთის დედაქალაქ პარიზში სამართალდამცველებმა დანაშაულებრივი დაჯგუფების 35 წევრი დააკავეს, რომელთა შორის საქართველოს მოქალაქეებიც არიან, - ამის შესახებ bfmtv იუწყება.

მედია საშუალების ინფორმაციით, დაკავებულები ყოფილი საბჭოთა კავშირის წევრი ქვეყნების ე.წ. კანონიერი ქურდები არიან.

მედიის ცნობით, დანაშაულებრივი ჯგუფი ძირითად სიგარეტის კონტრაბანდით, ბინების გაქურდვით და ქურდობით იყო დაკავებული.

Bfmtv წერს, რომ აღნიშნულ დაჯგუფებასთან დაკავშირებით გამოძიება 2 წლის განმავლობაში მიმდინარეობდა და მასში ასევე საფრანგეთში საქართველოს საელჩო, ევროპოლი და ინტერპოლი იყო ჩართული. ფრანგმა სამართალდამცველებმა სულ 35 ადამიანი დააკავეს, მათ შორის 8 ქალი. მათი უმეტესობა ეთნიკურად ქართველია. დაკავებულებს შორის არიან კანონიერი ქურდები ქუთაისიდან. არსებული ინფორმაციით, ისინი გამოძალვით, ქურდობით და ადამიანების ვაჭრობითაც იყვნენ დაკავებული.

ფრანგული მედია იტყობინება, რომ დაკავების დროს სამართალდამცველებმა 70 ათასი ევრო, იარაღი, მანქანები და 200 ათასი ევროს ღირებულების ქონება ამოიღეს.

პარიზის გარდა ოპერაცია ასევე იტალიის სამხრეთ ნაწილში, კალაბრიაში ჩატარდა. პოლიციის წყაროს ინფორმაციით, დაჯგუფებას უძრავი ქონება იტალიაში, ესპანეთსა და პორტუგალიაში ჰქონდა.

გარდა ამისა, ცნობილი, გახდა, რომ დაჯგუფებას ფულის გათეთრების სპეციალური სქემა ჰქონდა. ამისათვის ისინი პარიზში არსებულ სამშენებლო კომპანიას იყენებდნენ.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს