ამერიკის შეერთებული შტატების იუსტიციის დეპარტამენტის მოთხოვნის თანახმად, ტელეკომპანია Russia Today-ს ამერიკის ბიურო უცხოელ აგენტად დარეგისტრირდა, - ამის შესახებ RT იუწყება.

მედია საშუალების ინფორმაციით, გადაწყვეტილების მიღების დროს უწყება 1938 წელს მიღებული კანონით ხელმძღვანელობდა, რომელიც ნაცისტური გერმანიისგან და მისი პროპაგანდისგან ჟურნალისტების და მედიის დასაცავად შემოიღეს.

რუსული ტელეკომპანიის ხელმძღვანელის მარგარიტა სიმონიანის შეფასებით, ბოლო ვადის დაწესება "კანიბალისტური ზომაა".

"სისხლის სამართლის საქმესა და რეგისტრაციას შორის ჩვენ ბოლო ავირჩიეთ. ვულოცავთ აშშ-ის სიტყვის თავისუფლებას და მათ, ვისაც ამის ჯერ კიდევ სჯერა“, – განაცხადა სიმონიანმა.

მედიის ცნობით, რეგულაციები მოითხოვს, რომ ტელეკომპანიამ ამერიკის ხელისუფლებას კონტაქტებისა და ხელფასების შესახებ ინფორმაციას მიაწოდოს.

პარალელურად, როგორც ამერიკის სახელმწიფო დეპარტამენტში განმარტავენ, უცხოელ აგენტად რეგისტრაცია ახალი ამბების გაშუქებას არავის უკრძალავს.

გარდა ამისა, რუსეთის საგარეო საქმეთა სამინისტრო აღნიშნულ ფაქტს უკვე გამოეხმაურა და განაცხადა, რომ ამერიკელი ჟურნალისტებისა და მედიის წინააღმდეგ "სარკისებურ" ქმედებებს განახორციელებენ.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს