2017-11-06 13:34:19, 2493 ნახვა
მსოფლიო
ვიეტნამში, ტაიფუნის შედეგად 47 ადამიანი დაიღუპა
ვიეტნამში, ტაიფუნის გამო 47 ადამიანი დაიღუპა, - ამის შესახებ Việt Nam News იუწყება.
მედია საშუალების ინფორმაციით, სტიქიის შედეგად კიდევ 22 ადამიანი დაკარგულად ითვლება.
მედიის ცნობით, ტაიფუნი ვიეტნამს შაბათს დაატყდა თავს. მისი სიჩქარე საათში 90 კილომეტრია. ტაიფუნმა ათასობით სახლს სახურავი ახადა. სტიქიის გამო მოსახლეობის ნაწილს ელექტროენერგია არ მიეწოდება.
როგორც გამოცემა წერს, საერთო ჯამში ათასზე მეტი სახლი მთლიანად განადგურდა.
ცნობისთვის, ვიეტნამში აზია-წყნარი ოკეანის სამიტი უნდა ჩატარდეს, რომელსაც ქვეყნების პირველი პირები დაესწრებიან, მათ შორის რუსეთის პრეზიდენტი ვლადიმერ პუტინი და ამერიკის შეერთებული შტატების ლიდერი დონალდ ტრამპი.
![]()
ავტორი: ,
epn.ge (@expressnews.ge)
