ტერორისტული დაჯგუფება "ისლამური სახელმწიფოს" ლიდერმა აბუ ბაქრ ალ-ბაღდადიმ ერაყის ტერიტორია ყვითელი ტაქსით დატოვა, - ამის შესახებ Ad Dustour იუწყება.

როგორც მედია საშუალება სანდო წყაროზე დაყრდნობით იტყობინება, ალ-ბაღდადი სირიაში გაემგზავრა.

მედიის ცნობით, ის სავარაუდოდ სირიის ქალაქ დეირ ალ-ზორში იმყოფება, რომელიც რამდენიმე დღის წინ სირიის არმიამ ტერორისტებისგან გაათავისუფლა.

სააგენტო წერს, რომ ალ-ბაღდადიმ ტერიტორიის დატოვება საკუთარი უსაფრთხოების გამო გადაწყვიტა და ყვითელი ტაქსი იმის გამო შეარჩია, რომ არავის შეემჩნია.

ცნობისთვის, 16 ივნისს რუსეთის თავდაცვის სამინისტრომ განაცხადა, რომ ალ-ბაღდადი დაიღუპა. 1 სექტემბერს კი აშშ-ის კოალიციამ განაცხადა, რომ "ისლამური სახელმწიფოს" ლიდერი სავარაუდოდ ცოცხალია.

შეგახსენებთ, რომ 29 სექტემბერს, აბუ ბაქრ ალ-ბაღდადმა აუდიოჩანაწერი გამოაქვეყნა. 46-წუთიან ჩანაწერში აბუ ბაქრ ალ-ბაღდადი სირიასა და ერაყში მიმდინარე მოვლენებზე, ასევე ამერიკის შეერთებულ შტატებსა და იაპონიის მიმართ ჩრდილოეთ კორეის საფრთხეებზე საუბრობს. ამასთან, ალ-ბაღდადი მიმდევრებს მოუწოდებს დაწვან მტრები და მთელი ძალები „ურწმუნოთა მედია-ცენტრებზე“ მიმართონ.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს