2018 წლის სახელმწიფო ბიუჯეტის გადამუშავებულ ვარიანტს, 3 ნოემბრის პლენარულ სხდომაზე, ფინანსთა მინისტრი დიმიტრი ქუმსიშვილი წარადგენს. 

განცხადება აღნიშნულთან დაკავშირებით, საფინანსო-საბიუჯეტო კომიტეტის თავმჯდომარემ ირაკლი კოვზანაძემ დღეს გამართულ კომიტეტის სხდომაზე გააკეთა, რომელიც ძირითადი ფინანსური დოკუმენტის განხილვას დაეთმო. 

მომხსენებელმა, ფინანსთა მინისტრის მოადგილემ, გიორგი კაკაურიძემ კომიტეტის წევრებს ბიუჯეტის პროექტის ის ცვლილებები გააცნო, რომლებიც დოკუმენტის საკომიტეტო მოსმენების დროს იქნა გამოთქმული და გათვალისწინებული. მინისტრის მოადგილის ინფორმაციით, პირველად პროექტთან შედარებით საბიუჯეტო დეფიციტი 1.6%-დან 1.4%-მდე მცირდება, ხოლო შემოსულობების ნაწილში ბიუჯეტი 95 მლნ. ლარით გაიზრდება.

გიორგი კაკაურიძემ ფინანსური და არაფინანსური აქტივების მაჩვენებლები და საშინაო და საგარეო ვალის მომსახურებაზე მიმართულ ფინანსურ ოდენობებზეც ისაუბრა და განსაკუთრებული ყურადღება იმ სამინისტროების ასიგნებებზე გაამახვილა, რომელთა დაფინანსებაც წინა პროექტთან დაკავშირებით კიდევ უფრო იზრდება. კერძოდ საუბარია განათლების და მეცნიერების, გარემოს დაცვის და სპორტის და ახალგაზრდულ საქმეთა სამინისტროებზე, რომლებსაც სახელმწიფო ბიუჯეტიდან დამატებით 3-3 მლნ. ლარი გამოეყოფათ. 14.5 მლნ. ლარით იზრდება კულტურისა და ძეგლთა დაცვის სამინისტროს, ხოლო სოფლის მეურნეობის უწყებას აზიური ფაროსანას წინააღმდეგ გასატარებელი ღონისძიებებისთვის დამატებით 10 მლნ. ლარი გამოეყოფა. საკომიტეტო მოსმენების პერიოდში გამოთქმული შენიშვნების შესაბამისად დაფინანსება საგარეო საქმეთა სამინისტროს (4 მლნ. ლარი) და შრომის, ჯანმრთელობისა და სოციალური დაცვის სამინისტროსაც (1 მლნ. ლარი) გაიზრდება.

ბიუჯეტის გადამუშავებული ვარიანტის პრეზენტაციის შემდეგ ფინანსთა მინისტრის მოადგილემ კომიტეტის წევრების შეკითხვებს უპასუხა. დეპუტატები პენსიის ზრდის საკითხით, ეროვნული ვალუტის გაუფასურების ტენდენციებით, რეგიონული განვითარების ფონდის დაფინანსების, მინისტრების და მათი მოადგილეების სახელფასო პოლიტიკით და სოფლის მეურნეობის სფეროში დაგეგმილი პროგრამებით დაინტერესდნენ.

ხვალინდელ პლენარულ სხდომაზე ბიუჯეტის პროექტის განხილვის შემდეგ ძირითადი ფინანსური დოკუმენტი კვლავ საქართველოს მთავრობას დაუბრუნდება. 2018 წლის სახელმწიფო ბიუჯეტის საბოლოო პროექტს ფინანსთა სამინისტრო პარლამენტს წლის ბოლომდე წარუდგენს.

(NS)

ავტორი: ,

სოციალური ქსელები

ევროკავშირის ახალი ინიციატივები აზერბაიჯანისთვის და სომხეთისთვის, საქართველო ბორტს მიღმაა

უილსონი - დიქტატორ ხამენეის დაკრძალვაზე ამერიკის ყველაზე უარესი მოძულეები იკრიბებიან, ოცნების ყალბი პრეზიდენტი ყაველაშვილი ცერემონიალზე დასწრებას გეგმავს

კიევზე რუსული ავიაციის მიერ განხორციელებული იერიშის შედეგად დაღუპულთა რიცხვი 30-მდე გაიზარდა, დაიჭრა 90

თინა ბოკუჩავა – მქონდა ძალიან სერიოზული სინდისის ქენჯნა, რომ ხაბეიშვილის შეცვლის მიზეზად დასახელდა ჯანმრთელობის მდგომარეობა, რაც არ იყო რეალური