ფინანსთა მინისტრის მოადგილე გიორგი კაკაურიძე ლარის კურსის გაუფასურებას  მოსახლეობაში არსებულ მოლოდინებს უკავშირებს.

კერძოდ, როგორც კაკაურიძემ საფინანსო-საბიუჯეტო კომიტეტის სხდომაზე განაცხადა, ბოლო რამდენიმე წლის განმავლობაში ჩამოყალიბდა ქვეყანაში მოლოდინი, რომ ყოველ წელს მე-4 კვარტალში ლარი უნდა გაუფასურდეს.

შესაბამისად, ფინანსთა მინისტრის მოადგილის განმარტებით, მცირე, ზოგჯერ მსხვილი ბიზნესის წარმომადგენლები და მოსახლეობა დოლარს წინასწარ ყიდულობს, რაც ლარის კურსზე უარყოფით გავლენას ახდენს.

გიორგი კაკაურიძის მტკიცებით, ყველანაირი ფაქტორი, რომელიც  გაცვლით კურსზე მოქმედებს, დადებითია და ეროვნული ვალუტის გაუფასურება სწორედ ფუნდამენტური ფაქტორებითაა გამოწვეული:

„დიდწილად ლარის ცვალებადობაში როლი ითამაშა შექმნილმა მოლოდინებმა. სამწუხაროდ, ეს მოლოდინები შექმნილია ბოლო რამდენიმე წლის განმავლობაში.  ჩამოყალიბდა ქვეყანაში მოლოდინი, რომ ყოველ წელს მე-4 კვარტალში ლარი უნდა გაუფასურდეს, მცირე ბიზნესს, შეიძლება მსხვილ ბიზნესს, მოსახლეობასაც მოლოდინი აქვს, რომ წლის ბოლოს ლარი გაუფასურდება და როცა გარკვეული შემოსავლები უჩნდებათ, ცდილობენ მეოთხე კვარტლის დასაწყისში შეიძინონ ვალუტა. სამწუხაროდ ეს მოცემულობა გვაქვს. ეს მოცემულობაც სამართავია და უნა მოხდეს მოლოდინების სწორად ჩამოყალიბება. მოლოდინები ახდენს დიდ გავლენას ლარის კურსზე“,-განაცხადა გიორგი კაკაურიძემ.

ავტორი: ,

სოციალური ქსელები

ევროკავშირის ახალი ინიციატივები აზერბაიჯანისთვის და სომხეთისთვის, საქართველო ბორტს მიღმაა

უილსონი - დიქტატორ ხამენეის დაკრძალვაზე ამერიკის ყველაზე უარესი მოძულეები იკრიბებიან, ოცნების ყალბი პრეზიდენტი ყაველაშვილი ცერემონიალზე დასწრებას გეგმავს

კიევზე რუსული ავიაციის მიერ განხორციელებული იერიშის შედეგად დაღუპულთა რიცხვი 30-მდე გაიზარდა, დაიჭრა 90

თინა ბოკუჩავა – მქონდა ძალიან სერიოზული სინდისის ქენჯნა, რომ ხაბეიშვილის შეცვლის მიზეზად დასახელდა ჯანმრთელობის მდგომარეობა, რაც არ იყო რეალური