კატალონიის გენერალიტეტის ყოფილი მეთაური კარლეს პუჩდემონი ბრიუსელში იმყოფება, - ამის შესახებ Vanguardia იუწყება.

მედია საშუალების ინფორმაციით, პუჩდემონმა ქვეყანა გუშინ დატოვა. კერძოდ კი, კატალონიის ყოფილი მეთაური მანქანით საფრანგეთის ქალაქ მარსელში გაემგზავრა, ხოლო იქიდან ბრიუსელში გაფრინდა.

მედიის ცნობით, თვითმფრინავში მასთან ერთად გენერალიტეტის კიდევ რამდენიმე ყოფილი წევრი იმყოფებოდა.

მისი ყოფილი მოადგილის ორიოლ ჟუნკერესის თქმით, დღეს პუჩდემონი განცხადებას გააკეთებს და განმარტავს, თუ რას აკეთებს ბრიუსელში.

"ნებისმიერ შემთხვევაში ის ახსნის თუ რატომ იმყოფება ბრიუსელში. ჩემ კომპეტენციაში არ შედის მის მაგივრად საუბარი. თქვა, რომ თვითონ ყველაფერს ახსნის. დარწმუნებული ვარ, რომ ამას ჩემზე უკეთესად გააკეთებს", - დასძინა პუჩდემონის ყოფილმა მოადგილემ.

გარდა ამისა, გენერალიტეტის ყოფილი მეთაურის ადვოკატის პოლ ბეკერის განცხადებით, პუჩდემონი თავშესაფრის მოთხოვნას არ აპირებს.

„აღნიშნულ საკითხთან დაკავშირებით ჯერ არაფერია გადაწყვეტილი. შევხვდი და მან ოფიციალურად მთხოვა მისი ინტერესების დაცვა“, - განაცხადა ბეკერმა.

ცნობისთვის, მანამდე გავრცელდა ინფორმაცია, რომ კარლეს პუჩდემონმა შესაძლოა პოლიტიკური თავშესაფარი ბელგიას სთხოვოს. ბელგიის მიგრაციის მინისტრის ტეო ფრანკენის განცხადებით. პუჩდემონს თავშესაფრის მოთხოვნის უფლება აქვს. ამასთან, მანვე დასძინა, რომ ბელგიამ შესაძლოა ეს მოთხოვნა დააკმაყოფილოს.

შეგახსენებთ, ესპანეთის გენერალურმა პროკურორმა კარლეს პუჩდემონის წინააღმდეგ სარჩელი შეიტანა.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს