ვარდების მოედანზე "პატრიოტთა  ალიანსი" აქციას მართავს. 

„პატრიოტთა ალიანსის“  ერთ-ერთი ლიდერის ირმა ინაშვილის განცხადებით, ამ ეტაპზე მათი მთავარი მოთხოვნაა, გადადგეს გიორგი კვირიკაშვილი და  მთავრობა.

ინაშვილის თქმით, ხელისუფლება ხალხს ატყუებს.

„უნდა გადადგეს ის მთავრობა და ის პრემიერი, რომელიც ატყუებს ხალხს, თითქოს ეკონომიკური ზრდა 5%-ია და ჩვენ ვხედავთ როგორი კრიზისია ლართან მიმართებაში. უნდა გადადგეს მთავრობა და პრემიერი, რომლის სახელმწოფოშიც მაღალია სიღატაკის დონე,სადაც ათასობით ბავშვს შია, ასობით ადამიანი კარგავს ბინას, სადაც ათასობით მოქალაქე არის საბანკო სექტორის მძევალი. ჩვენ ამ ხელისუფლებას ვაიძულებთ, დაინახოს ეს ხალხი, რომლსაც არ ხედავს, ვერ ამჩნევს და მთელი ეს ორი თვეა იგნორირებას უწევს მოშიმშილეებს, მათ მოთხოვნას, ათასობით ადამიანის გამოსვლას და მოთხოვნას,11 მოშიმშილე კი არა 1 კაცი რომ იდგეს პლაკატით ხელში პარლამენტის წინ და ჰქონდეს კონკრეტული მოთხოვნა, ხელისუფლება ვალდებულია, ჰკითხოს ამ ადამიანს, რას აპროტესტებს ის“,-განაცხადა ინაშვილმა და დასძინა, რომ შიმშილობის აქცია არ შეწყდება.

„დღეიდან სხვა საპროტესტო კერებიც გაჩნდება ქვეყანაში“,-აღნიშნა ირმა ინაშვილმა.

„პატრიოტთა ალიანსის“ აქცია მსვლელობით ვარდების მოედნიდან პარლამენტის წინ გადაინაცვლებს.

ავტორი: ,

სოციალური ქსელები

ვაკის პარკის შადრევნის საქმეზე დაკავებული ლაშა ფურცხვანიძე ციხიდან ვადაზე ადრე გაათავისუფლეს

უკრაინის რადამ ახალ პრემიერ-მინისტრად სერგეი კორეცკი დაამტკიცა

ComCom ფორმულას ტერმინების გამო კანონის დარღვევას უკვე მესამედ ედავება

მარია ზახაროვა - საქართველოს დამოუკიდებლობა დასავლეთისთვის ყელში გაჩხერილი ძვალი გახდა