ბარსელონაში რუსეთის მიერ ოკუპირებული ე.წ. სამხრეთ ოსეთის დე-ფაქტო საგარეო საქმეთა სამინისტროს „წარმომადგენლობის“ ოფისი გაიხსნა, - ამის შესახებ „სპუტნიკ-ოსეტია“ იუწყება.

მედია საშუალების ინფორმაციით,  ოფისის გახსნა ბარსელონაში დე-ფაქტო მინისტრის დმიტრი მედოევის „ვიზიტის“ ფარგლებში მოხდა.

როგორც მედოევმა აღნიშნა, ოფისის მიზანი ორ მხარეს შორის კულტურული და ჰუმანიტარული თანამშრომლობაა.

დე-ფაქტო საგარეო საქმეთა სამინისტროს „წარმომადგენლობის“ ოფისი კატალონიაში ორშაბათს გაიხსნა. მედოევმა ოფისის გახსნასთან ერთად ბარსელონაში შეხვედრები ოსურ დიასპორასთან გამართა, რომლებიც, როგორც მედია წერს, სამშობლოსთან კონტაქტს არ კარგავენ სიშორის მიუხედავად და ცდილობენ, „დასავლეთს რეგიონში მიმდინარე მოვლენები სწორი კუთხით დაანახონ“.

მედოევის თქმით, კატალონიაში მიმდინარე პროცესებს დიდი ყურადღებით აკვირდებიან და მათ ინტერესებშია, რომ თვითგამორკვევის პროცესში მყოფ რეგიონთან ითანამშრომლონ.

„26 წლის წინ სამხრეთ ოსეთის ხალხმა თავად გადაწყვიტა გადაედგა ის პოლიტიკური ნაბიჯები, რომლებმაც დამოუკიდებელი სახელმწიფოს შექმნას შეუწყო ხელი“, - განაცხადა დიმიტრი მედოევმა.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს