„ქართული ოცნების“ თბილისის მერობის კანდიდატის, კახა კალაძის განცხადებით, დედაქალაქის მერიაში ცვლილებები აუცილებლად იქნება.

კალაძის თქმით, გუნდი ყურადღებას პროფესიონალიზმზე და კომპეტენციაზე გაამახვილებს.

ამასთან, მერობის კანდიდატი კონკრეტული რეფორმების დაკონკრეტებისგან თავს იკავებს.

„აუცილებლად იქნება რეფორმები და ჩვენი ყურადღება იქნება გამახვილებული მხოლოდ და მხოლოდ პროფესიონალიზმზე, კომპეტენციაზე და პატიოსნებაზე. შესაბამისად გარკვეული ცვლილებები იქნება, თუ რა ცვლილებები და რეფორმები იქნება, ეს როდესაც მერიაში მივალთ და ოფიციალურად უფლებამოსილება მოგვენიჭება, განვახორციელებთ ამ რეფორმებს და გავაჟღერებთ დაგეგმილ ცვლილებებსაც“, - განაცხადა კახა კალაძემ.

რაც შეეხება მერიაში თანამდებობების გადანაწილებას, კალაძის თქმით, აღნიშნული გადაწყვეტილებაც „ძალიან მალე იქნება მიღებული“.

კითხვაზე, რომელიც  გამგეობებსა და მერიაში პრემიერ-დანამატების აღებას ეხებოდა, კალაძემ უპასუხა, რომ „ეს არასწორი ინფორმაციაა“.

„ეს იყო წინასაარჩევნოდ გაჟღერებული დეზინფორმაცია ჩვენი გუნდის წინააღმდეგ. თქვენ შეგიძლიათ გამოითხოვოთ ხელფასები, დანამატები, პრემიები როგორ იყო 2014 წლამდე, მერიაში და თუნდაც საკრებულოში და შეადაროთ 2014 წლის შემდეგ შექმნილ სიტუაციას. თქვენ ნახავთ, თუ როგორი რის სხვაობა“, დასძინა კალაძემ.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს