პარლამენტის ფრაქცია ქართული ოცნების წევრი, ზაქარია ქუცნაშვილი თამაზ მეჭიაურს  პოლიტიკურ პარტიებთან გარიგებაში ადანაშაულებს. ამის შესახებ მან გადაცემა „არჩევანში ისაუბრა.

ქუცნაშვილის თქმით, თიანეთი იყო ერთადერთი რაიონი, სადაც ოცივე პარტია მხოლოდ თამაზ მეჭიაურის კანდიდატურით იყო წარმოდგენილი:

„„პატრიოტებთან მივიდა და ეუბნება, 2017 წლის არჩევნებისთვის ბიძინა ივანიშვილმა მე იმიტომ გამომიშვა ქართული ოცნებიდან, რომ საგარეჯოს არჩევნებში ირმა ინაშვილს ვქომაგობდიო. რომან გოცირიძესთან მივიდა, ახლა ამ არჩევნების წინ და ეუბნება, რომ   არ დააყენოთ ახლა ნაციონალებმა თიანეთში კანდიდატი ( რომან გოცირიძე და ეგ მეგობრები არიან), ნაციონალებმა დაუჭირეს მას მხარი ამ არჩევნებში და მაგან სანაცვლოდ შტაბის უფროსად დანიშნა ყოფილი ნაციონალი, ელბერტ მითელაური, ვინც შეჭამა მთელი თიანეთი. ეს გარიგება შედგა მაგას და ნაციონალებს შორის და რომან გოცირიძემ არ დაუყენა ოპოზიციური კანდიდატი. ნინო ბურჯანაძესთან მივიდა და უთხრა, რომ რა გინდა, მე რუსეთუმე ვარ, ხომ იცი და რუსეთუმეებმა გავაძლიეროთ ერთმანეთიო. შალვა ნათელაშვილს შესთავაზა,  რომ ზაქარია ქუცნაშვილი შენ ხომ გეზიზღება და ბიძინა ივანიშვილი და რა გინდა, მე ზაქარია ქუცნაშვილს ჩავძირავო. ოცივე პარტია ერთი კანდიდატით იყო წარმოდგენილი. მე შევეცადე ამ ადგილობრივი არჩევნებისთვის ჩემი გავლენა ნაწილობრივ გამომეყენებინა. არც კენჭისყრის დღეს, არც წინა დღეებში, არჩევნების შემდეგ თიანეთში კიარა, იქ იყავი, სადაც ვიყავი, ორი დღე მიცვალებული მყავდა სახლში. ეს ადამიანი ყველაფრის მკადრებელია, კაცი, რომელიც მთიელი ხარ და წარსული მიცვალებულების სულს შეურაცხყოფ, კაცი, რომელიც ამდენ სიკეთეს გაგიკეთებს, ხელებზე მკოცნიდა ლამის და „დარმავოი დეპუტატს“ ეძახდა თავის თავს, ცხოვრებაში „დარმავოი დეპუტატი“ გამხადე, ამას როგორ დაგივიწყებო ამბობდა. რამხელა შანსი ჰქონდა მას, როცა კომიტეტის თავმჯდომარედ ავირჩიეთ, მაგრამ მისი არაკომპეტენტურობის გამო, სასაცილო პერსონად იქცა მთელი ქვეყნის მასშტაბით. თავს გვჭრიდა ყველა მისი განცხადება. დავუშვი შეცდომა“, - განაცხადა ზაქარია ქუცნაშვილმა.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს