ტელეწამყვანი ქსენია სობჩაკი 2018 წლის რუსეთის საპრეზიდენტო არჩევნებში მიიღებს მონაწილეობას, - ამის შესახებ Ria იუწყება.

როგორც სობჩაკმა განაცხადა, მისი გადაწყვეტილების მიზეზი ქვეყნისადმი სიყვარულია.

"მე ქსენია სობჩაკი ვარ, 35 წლის. მთელი ცხოვრებაა ვმუშაობ რუსეთში და ჩემთვის სულ ერთი არაა, როგორი გახდება ჩემი ქვეყანა", - აღნიშნა პრეზიდენტობის კანდიდატმა.

მისი თქმით, თავისი გადაწყვეტილება, მან ნათლია-პუტინს ჯერ კიდევ მაშინ შეატყობინა, როდესაც მამამისის, სანქტ-პეტერბურგის ყოფილი მერის ფილმისთვის, კრემლის ლიდერთან ინტერვიუს წერდა.

წამყვანმა აღნიშნა, რომ ვლადიმერ პუტინთან პირადი საუბრის შემდეგ დარჩა შთაბეჭდილება, რომ პრეზიდენტს მისი გადაწყვეტილება არ მოეწონა. 

“ვლადიმერ ვლადიმეროვიჩთან ჩემს ოჯახს დიდი ურთიერთობები ჯერ კიდევ სანქტ-პეტერბურგიდან აკავშირებდა. ჩემი განზრახვის შესახებ ინტერვიუს მერე ვუთხარი. მან მიპასუხა, რომ ყველას აქვს უფლება საკუთარი გადაწყვეტილება მიიღოს და ამაზე პასუხისმგებლობაც აიღოს. თუმცა, არ დამრჩა შთაბეჭდილება, რომ მას მოეწონა ჩემი ნათქვამი“, - განაცხადა ქსენია სობჩაკმა.

ცნობისთვის, რუსეთის საპრეზიდენტო არჩევნებში ქალი კანდიდატი სულ 2-ჯერ მონაწილეობდა. პირველი ქალი ცენტრალური საარჩევნო კომისიის თავმჯდომარე ელა პამფილოვა იყო. ის კენჭს 2000 წელს იყრიდა. 2004 წელს პრეზიდენტობისთვის ოპოზიციონერი ირინა ხაკამადა იბრძოდა.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს