„ზემო ლარსის“ სასაზღვრო-გამშვებ პუნქტზე ქალი დააკავეს, რომელიც ფედერალურ ძებნაში იმყოფებოდა, - ამის შესახებ Rambler.news იუწყება.

მედია საშუალების ინფორმაციით, ე.წ. სამხრეთ ოსეთში დაკავებული ქალი, თაღლითია, რომელიც ქვეყნის ტერიტორიის დატოვებას არალეგალურად გეგმავდა.

მედიის ცნობით, დაკავებული საერთაშორისო ტერორისტული ორგანიზაციების საქმიანობასთან არის დაკავშირებული.

"ფე-ეს-ბე"-ს ინფორმაციით, ის ახალგაზრდებს ტერორისტულ საქმიანობაში ჩასართავად იბირებდა და მათ სირიაში გამგზავრებას უწყობდა ხელს. მათივე თქმით, დაკავებული ქალის მიერ გადაბირებულ პირებს შორის რუსეთის მოქალაქეებიც იყვნენ.

„თავისი ასაკის მიუხედავად, ის სრულად დაეუფლა ინტერნეტ-მიმოწერისა და ფსიქოლოგიური მანიპულირების უნარებს. ცოლ-ქმრული ურთიერთობების დამყარების საბაბით ის ახალგაზრდა მამაკაცებს ექსტრემისტული ხასიათის რადიკალურ იდეებს აცნობდა. „თაფლობის თვის“ ნაცვლად ახლად შეუღლებულს სირიაში გამგზავრება და უკანონო შეიარაღებული ფორმირებებში გაწევრიანება ელოდა“, - აცხადებენ უწყებაში.

მესაზღვრეების ინფორმაციით, ჩატარებული ოპერატიული ღონისძიებების შედეგად გაირკვა, რომ დაკავებული ბოროტმოქმედის პირველი მეუღლე ახლო აღმოსავლეთში მიმდინარე შეიარაღებული კონფლიქტების ზონაში მოკლეს.

„მეუღლის გარდაცვალების შემდეგ „პროფესიონალმა ქვრივმა“ გადაწყვიტა ჯიჰადი საკუთარი ცხოვრების მიზნად ექცია და ახალი სვერპლი ეპოვა, იმისათვის, რომ რელიგიური ფანატიკოსები აღეზარდა“, - აღნიშნულია განცხადებაში.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს