საქართველოს პარლამენტის თავმჯდომარე ირაკლი კობახიძე პარლამენტის ქუთაისის სასახლის დაუყოვნებლივ რეაბილიტაციის საჭიროებაზე საუბრობს.

კობახიძის შეფასებით, ვითარება არასახარბიელოა.

„ყველა ხედავთ, რა მდგომარეობაშია  პარლამენტის ქუთაისის სასახლის შენობა, მისი მიმდებარე ტერიტორია. ნამდვილად არ არის სახარბიელო ვითარება. წყალი ჩამოდის სამწუხაროდ შენობაში, შესაბამისად, საჭიროა დაუყოვნებლივ შენობის რეაბილიტაცია, მათ შორის, გადახურვის, შუშის კონსტრუქციის რეაბილიტაცია და ძალიან  მნიშვნელოვანია, ასევე, მიმდებარე ტერიტორიის კეთილმოწყობა",- განაცხადა ირაკლი კობახიძემ და აღნიშნა, რომ პარკი, რომელიც პარლამენტის ქუთაისის სასახლის მიმდებარე ტერიტორიაზე მოეწყობა, მოსახლეობას მოემსახურება.

„ძალიან მნიშვნელოვანია, რომ  ეს უნდა გაკეთდეს არა მხოლოდ პარლამენტისთვის, არა მხოლოდ დეპუტატებისთვის და აპარატის თანამშრომლებისთვის, ეს პარკი, რომელიც გაკეთდება მიმდებარე ტერიტორიაზე, მოემსახურება ქუთაისის მოსახლეობას",- განაცხადა პარლამენტის თავმჯდომარემ.

მისივე თქმით, რეაბილიტაციას პარლამენტის თბილისის სასახლის ერთ-ერთი ფლიგელიც საჭიროებს.

„პარლამენტის თბილისის სასახლეში არის ერთ-ერთი ფლიგელი, რომელიც საჭიროებს რეაბილიტაციას. აქ მოეწყობა ახალი სივრცეები, მათ შორის, საკონფერენციო სივრცეები და კიდევ სხვადასხვა ტიპის საქმიანობა შეიძლება განხორციელდეს იმ ფლიგელში, რომლის რეაბილიტაციაც იგეგმება",- აღნიშნა ირაკლი კობახიძემ.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს