ირანის საგარეო საქმეთა მინისტრის მოჰამედ ჯავად ზარიფის განცხადებით,  მსოფლიოში ამერიკის შეერთებული შტატებისადმი ნდობა სულ უფრო მცირდება, - ამის შესახებ მინისტრმა ტელეკომპანია CBS-სთვის მიცემულ ინტერვიუში განაცხადა.

როგორც ზარიფმა განმარტა, ნდობის შემცირების მიზეზი თეთრი სახლის მიერ საერთაშორისი  შეთანხმებების დარღვევაა.

"ეს ადმინისტრაცია ყველა შეთანხმებაზე უარს ამბობს. ზოგიერთი ამას ახლანდელი ადმინისტრაციის "გასვლის სტრატეგიას" უწოდებს. შტატები გადის ჩრდილოეთ ამერიკის თავისუფალი ვაჭრობის შეთანხმებიდან (NAFTA), ტრანსსასაზღვრო პარტნიორობიდან (TPP) და ახლა იუნესკოდანაც. ასე, რომ ხალხს უკვე უჭირს ენდოს აშშ-ის სიტყვებს. მნიშვნელობა არ აქვს რომელი ადმინისტრაცია იქნება, მსოფლიო ნდობას ქვეყნის მიმართ მაინც დაკარგავს. ამერიკა თვალს ხუჭავს არსებულ ურთიერთობაზე", - განაცხადა ზარიფმა.

შეგახსენებთ, რომ აშშ-ის პრეზიდენტის დონალდ ტრამპის გადაწყვეტილებით, ქვეყანა ირანთან მიღწეული ბირთვული შეთანხმებიდან სავარაუდოდ გავა. როგორც ტრამპმა აღნიშნა, ის ირანთან ბირთვული შეთანხმების დოკუმენტს გადახედავს. მოგვიანებით, ირანის პრეზიდენტმა ჰასან რუჰანიმ დონალდ ტრამპმი გააკრიტიკა. რუჰანის შეფასებით, ტრამპის განცხადება ბირთვული შეთანხმების გაუქმებასთან დაკავშირებით, "სისულელეა".

ცნობისთვის, ირანმა და ექვსმა შუამავალმა ქვეყანამ 2015 წლის 14 ივლისს ისტორიულ შეთანხმებას მიაღწიეს ირანული ატომის მრავალწლიანი პრობლემის დარეგულირების თვალსაზრისით. აღნიშნული შეთანხმება ირანისთვის, ამერიკის, ევროკავშირის და გაეროს უშიშროების საბჭოს მიერ დაწესებული სანქციების მოხსნას გულისხმობს, თუმცა დონალდ ტრამპი, გარიგებიდან გასვლას გეგმავს.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს