ამერიკის შეერთებული შტატების პრეზიდენტის დონალდ ტრამპის გადაწყვეტილებით, ქვეყანა ირანთან მიღწეული ბირთვული შეთანხმებიდან სავარაუდოდ გავა.

როგორც ტრამპმა აღნიშნა, ის ირანთან ბირთვული შეთანხმების დოკუმენტს გადახედავს. მისივე თქმით, ირანი გარიგების მოთხოვნებს არ ასრულებს, რის შესახებაც ის კონგრესს აცნობებს. გარდა ამისა, ტრამპმა განმარტა, რომ ვაშინგტონი მოკავშირეებთან ითანამშრომლებს, რათა თეირანის წინააღდეგ ახალი სანქციები დაწესდეს და"ახლო აღმოსავლეთში სიტუაცია დასტაბილურდეს".

დონალდ ტრამპი მიიჩნევს, რომ ეს გარიგება “აშშ-ის ეროვნულ ინტერესებს ვერ პასუხობს“.

"აშშ არ დაუშვებს, რომ თეირანმა ბირთვული იარაღი მიიღოს. ირანის რეჟიმი მხარს უჭერს ტერორიზმს, ავრცელებს ძალადობას, სისხლისღვრას და ქაოსს მთელ ახლო აღმოსავლეთში. ამიტომ ირანის აგრესიას და ბირთვულ ამბიციებს ბოლო უნდა მოვუღოთ", - განაცხადა ტრამპმა.

პრეზიდენტის მიერ, კონგრესში ანტიირანული სანქციების შესახებ შეტანილი პროექტის გასაანალიზებლად სენატს 60 დღე აქვს. თუ მას მიიღებენ, ამერიკა შეთანხმებიდან გავა.

აღსანიშნავია, რომ ტრამპის განცხადების შემდეგ ირანთან ბირთვული შეთანხმების გადახედვის თაობაზე, აშშ-ის თავდაცვის მინისტრი ჯეიმს მეტისი ოფიციალური თეირანის მხრიდან პროვოკაციებს არ გამორიცხავს.

“ახლა ვაკვირდებით პროვოკაციების ზრდას ირანისგან, თუმცა ჯერ ამას ვერ ვხედავთ. ჯერ-ჯერობით არ ვცვლით ჩვენს სამხედრო კონცეფციას“, - განაცხადა მეტისმა.

ცნობისთვის, ირანმა და ექვსმა შუამავალმა ქვეყანამ 2015 წლის 14 ივლისს ისტორიულ შეთანხმებას მიაღწიეს ირანული ატომის მრავალწლიანი პრობლემის დარეგულირების თვალსაზრისით. აღნიშნული შეთანხმება ირანისთვის, ამერიკის, ევროკავშირის და გაეროს უშიშროების საბჭოს მიერ დაწესებული სანქციების მოხსნას, თუმცა დონალდ ტრამპი, გარიგებიდან გასვლას გეგმავს. 

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს