კანადის პარლამენტმა ე.წ. მაგნიტსკის კანონის მსგავსი დოკუმენტი დაამტკიცა, - ამის შესახებ Ria იუწყება.

მედია საშუალების ინფორმაციით, კანონი ერთხმად მიიღეს. მას მხარი დარბაზში მყოფმა 277-მა დეპუტატმა დაუჭირა.

პროცედურის თანახმად, პარლამენტის შემდეგ კანონს მხარი სენატმა უნდა დაუჭიროს. ამის შემდეგ ის ინგლისის დედოფალს უნდა გადაეგზავნოს, რომელიც მას ხელს მოაწერს.

დოკუმენტი ადამიანის უფლებების დარღვევაში მხილებული, კორუმპირებული მაღალჩინოსნების მიმართ სანქციების დაწესებას ითვალისწინებს. ოფიციალურ ოტავას, დოკუმენტის თანახმად, უფლება ექნება კანონდამრღვევ პოლიტიკოს ქონება ჩამოართვას.

ამასთან, კანონი ხსენებული დანაშაულის დამტკიცების შემთხვევაში სხვადასხვა ქვეყნის პოლიტიკოსებისთვის ვიზების გაუქმებასა და ფინანსურ სანქციებს ითვალისწინებს.

ე.წ. მაგნიტსკის აქტი ამერიკის შეერთებულ შტატებში მოქმედებს. რუსული მხარე კანადის პარლამენტის გადაწყვეტილებას რუსეთის შიდა საქმეებში ჩარევად აფასებს. რუსეთის სახელმწიფო სუვერენიტეტის დაცვის ფედერაციის საბჭოს დროებითი კომისიის თავმჯდომარის ანდრეი კლიმოვის თქმით, ეს "მტრული" ნაბიჯი იქნება და შესაბამის "პასუხსაც" მიიღებს.

ცნობისთვის, ფონდ Hermitage Capital Managemen-ის თანამშრომელი სერგეი მაგნიტსკი, რომელსაც რუსეთში საგადასახადო მაქინაციებში ედებოდა ბრალი, 2009 წელს ციხეში გარდაიცვალა. ამის შემდეგ, 2012 წელს ამერიკა მიიღო კანონპროექტი, რომელიც რუსეთის მოქალაქეების მიმართ სანქციების დაწესებას ითვალისწინებდა. ამიტომ კანონს ბრალდებული სახელი დაერქვა.

ავტორი: ,

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა