საპარლამენტო უმრავლესობის ლიდერი არჩილ თალაკვაძე სირიის სახალხო საბჭოს დელეგაციის ოკუპირებულ აფხაზეთში ვიზიტს გამოეხმაურა.

თალაკვაძის თქმით, საქართველოს ხელისუფლების  საგარეო კურსი მტკიცეა და მიმართულია დასავლურ ოჯახში-ევროკავშირში ინტეგრაციისკენ.

მისივე მტკიცებით, არანაირი კომპრომისის დაშვება საქართველოს  ეროვნული ინტერესების ხარჯზე არ მოხდება.

"აფხაზეთთან და სამაჩაბლოსთან დაკავშირებით, მინდა ცალსახად გავიმეორო ჩვენი გუნდის პოზიცია. ჩვენი საგარეო კურსი მტკიცეა და მიმართულია დასავლურ ოჯახში-ევროკავშირში ინტეგრაციისკენ. ევროატლანტიკური ღირებულებები არის ის სივრცე, სადაც ჩვენ წარმოგვიდგენია ჩვენი ქვეყნის მომავალი განვითარება. არანაირი კომპრომისების დაშვება ჩვენი ქვეყნის ეროვნული ინტერესების ხარჯზე არ მოხდება. აფხაზეთი არის დღეს რუსეთის მიერ ოკუპირებული. ჩვენ ვფიქრობთ, რომ აფხაზი ძმები იმსახურებენ განვითარების შესაძლებლობებს, უკეთეს სოციალურ და ეკონომიკურ პირობებს. ამის ნაცვლად ოკუპანტის მხრიდან ვხედავთ მხოლოდ სამხედრო რიტორიკას და გვესმის მხოლოდ იარაღის ჟღარუნი. გავაგრძელებთ საერთაშორისო თანამეგობრობის მობილიზაციას და კონსოლიდაციას ჩვენი ქვეყნის ტერიტორიული მთლიანობისთვის და გავაგრძელებთ საქართველოს განვითარების პროცესს იმ მომენტამდე, ვიდრე არ მოხდება ჩვენი ქვეყნის ტერიტორიული მთლიანობის აღდგენა",- განაცხადა თალაკვაძემ.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს