უკრაინის გენერალურმა პროკურორმა იური ლუცენკომ საქართველოს მესამე პრეზიდენტის მიხეილ სააკაშვილის ექსტრადირების პროცესის შეფერხების მიზეზები დაასახელა, - ამის შესახებ 112.ua იუწყება.

როგორც ლუცენკომ აღნიშნა, იუსტიციის სამინისტრო სააკაშვილის ექსტრადირების საკითხს სწავლობს, ამას კი, მისივე თქმით, რამდენიმე კვირა დასჭირდება.

"ვთვლი, რომ ექსტრადირების შეფერხებას ნამდვილად გააჩნია თავის მიზეზები. ბატონმა სააკაშვილმა, მას შემდეგ რაც ქვეყნის საზღვარი არალეგალურად გადმოკვეთა, მან ქვეყნის შინაგან საქმეთა სამინისტროს საიმიგრაციო სამსახურში დოკუმენტაცია შეიტანა. აღნიშნული ფაქტი, აფერხებს ექსტრადირების პროცესს, რადგან ჩვენ საერთაშორისო ვალდებულებები გვაქვს დაკისრებული. ამ ყველაფერს დეტალურად განვიხილავთ. აღნიშნული პროცედურები რამდენიმე კვირას გასტანს. საექსტრადიციო შემოწმებამ უნდა დაადგინოს, ნამდვილად ედება თუ არა საქართველოში სააკაშვილს ბრალი მძიმე დანაშაულების ჩადენაში, რომლებიც უკრაინის სისხლის სამართლის კოდექსშიც არსებობს. ნათელია, რომ ამ კითხვაზე პასუხი იქნება დადებითი", - განაცხადა პროკურორმა.

ავტორი: ,

სოციალური ქსელები

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა

საია: ხოშტარია პოლიტპატიმარია, მისთვის ადეკვატური მკურნალობა უნდა იყოს უზრუნველყოფილი

ოპოზიციონერ ზვიად კუპრავას სასამართლომ 2 წლითა და 6 თვით თავისუფლების აღკვეთა მიუსაჯა

ხოშტარია - არ არსებობს მდგომარეობა, როდესაც რომელიმე „ქოცი“, ბიძინა ივანიშვილით დაწყებული პატარა ზარქუათი დამთავრებული მსხვერპლის როლში დამინახავს