ბარსელონაში რეფერენდუმის მხარდამჭერი აქცია-კონცერტი გაიმართა, - ამის შესახებ AFP იუწყება.

მედია საშუალების ინფორმაციით, შადრევან მონჟუიკთან 10 ათასი ადამიანი შეიკრიბა.

აქციის მონაწილეებს ბანერები - "გაუმარჯოს კატალონიას!, „ხმა მივცეთ დამოუკიდებლობას" და კატალონიის დროშები ჰქონდათ მიტანილი.

"ჩვენ გვსურს დამოუკიდებლობა, რადგან ყელამდე ვართ სავსე იმით, რომ ესპანეთის ხელისუფლება ჩვენ გვძარცვავს", - განაცხადა აქციის ერთ-ერთმა მონაწილემ.

მოქალაქეებს სჯერათ, რომ რეფერენდუმი წყნარ ვითარებაში ჩაივლის, მიუხედავად იმისა, რომ ესპანეთის ხელისუფლება, როგორც ისინი აცხადებენ, მათი აზრით არ ინტერესდება. აქციის კიდევ ერთი მონაწილე თვლის, რომ ხელისუფლება მათ რეფერენდუმის ჩატარების უფლებას არ მისცემს.

ბოლო გამოკითხვის თანახმად, კატალონიის დამოუკიდებლობა ავტონომიური რეგიონის მოსახლეობის 41% უჭერს მხარს, ხოლო 49% წინააღმდეგია. ამასთან რეფერენდუმის ჩატარებას მოსახლეობის 80% უჭერს მხარს, თუმცა ისინი თვლიან, რომ პლებისციტის ჩატარება მადრიდთან უნდა იყოს შეთანხმებული.

გარდა ამისა, რეფერენდუმამდე 2 დღით ადრე, სკოლის მოსწავლეებმა მშობლებთან ერთად სკოლების ოკუპაცია დაიწყეს, იმისათვის, რომ რეფერენდუმის ჩატარების საშუალება მისცენ.

პარასკევს ავტონომიური რეგიონის მასშტაბით, ასევე ფერმერების მარში ჩატარდა, რომლებიც რეფერენდუმის ჩატარებას უჭერენ მხარს. 2150 ფერმერმა სხვადასხვა ქალაქში ტრაქტორით მშვიდობიანი მარში გამართა.

შეგახსენებთ, რომ კატალონიის ესპანეთიდან გამოყოფის რეფერენდუმი 1 ოქტომბერს არის დანიშნული. რეფერენდუმს ესპანეთის ხელისუფლება არ აღიარებს. პლებისციტის ჩატარება ავტონომიური რეგიონის პარლამენტმა 7 სექტემბერს მიიღო. თავის მხრივ ესპანეთის უზენაესმა სასამართლომ ყველა დოკუმენტაცია და ქმედება აღნიშნულ საკითხთან დაკავშირებით არალეგიტიმურად სცნო.

ავტორი: ,

სოციალური ქსელები

ხოშტარია - არ არსებობს მდგომარეობა, როდესაც რომელიმე „ქოცი“, ბიძინა ივანიშვილით დაწყებული პატარა ზარქუათი დამთავრებული მსხვერპლის როლში დამინახავს

„გახარია საქართველოსთვის“ პარლამენტში მომხდარი ჩხუბის გამოძიებას მოითხოვს

რა შეიცვალა საქართველოს ეკონომიკისთვის ახლო აღმოსავლეთის შეთანხმებიდან ორი კვირის თავზე?

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური