ტრეფიკინგის ფონდმა ოჯახში ძალადობის და ადამიანით ვაჭრობის თემებთან დაკავშირებით 47–ე სკოლის მოსწავლეებთან საინფორმაციო შეხვედრა გამართა

2015-04-29 18:41:25, 606 ნახვა

საზოგადოება

ადამიანით ვაჭრობის, ტრეფიკინგის, მსხვერპლთა, დაზარალებულთა დაცვისა და დახმარების სახელმწიფო ფონდი ოჯახში ძალადობის და ადამიანით ვაჭრობის (ტრეფიკინგის ) თემებთან დაკავშირებით აქტიურ საინფორმაციო კამპანიას აგრძელებს.

დღეს, აღნიშნულმა ფონდმა 47–ე საჯარო სკოლაში მე–9 კლასის მოსწავლეებთან შეხვედრა გამართა.
ფონდის იურისტმა ირაკლი ჭყონიამ მათ ოჯახში ძალადობასა და ტრეფიკინგის შესახებ ესაუბრა.

„ტრეფიკინგის სახელმწიფო ფონდმა დაიწყო საინფორმაციო კამპანია, რომლის მიზანია საზოგადოების უფრო მეტად ინფორმირებულობა ისეთ თემებზე, როგორიცაა ოჯახში ძალადობა და ადამიანით ვაჭრობა, ანუ ტრეფიკინგი. ამ მიზნით ჩვენ ვახორციელებთ საჯარო სკოლებში უფროს კლასელებთან და პედაგოგებთან საიფორმაციო შეხვედრებს", – აღნიშნა ირაკლი ჭყონიამ.

47–ე სკოლის სამოქალაქო განათლების პედაგოგის ლიკა ჩხაიძის განცხადებით, სკოლაში ტრეფიკინგის თემაზე ღონისძიების ჩატარება მნიშვნელოვანია, რადგან ბავშვებს მეტი ინფორმაცია ექნებათ ამ პრობლემასთან დაკავშირებით.

„ტრეფიკინგის თემას სამოქალაქო განათლების საგანში ცალკე თავი აქვს დათმობილი. ბავშვები ინფორმირებულები არიან, თუმცა, ასეთი ღონისძიების ჩატარება რა თქმა უნდა ძალიან კარგია, რადგან, კიდევ უფრო მეტი ინფორმაცია ექნებათ ამ პრობლემასთან დაკავშირებით“, – აღნიშნა ლიკა ჩხაიძემ.

ცნობისთვის, ადამიანით ვაჭრობის, ტრეფიკინგის, მსხვერპლთა, დაზარალებულთა დაცვისა და დახმარების სახელმწიფო ფონდი საჯარო სკოლებსა და უმაღლეს სასწავლებლებს ოჯახში ძალადობისა და ადამიანით ვაჭრობის (ტრეფიკინგის) თემებთან დაკავშირებით საინფორმაციო შეხვედრის გამართვას სთავაზობს. ყველა დაინტერესებულ ორგანიზაციას ფონდი მოუწოდებს დაუკავშირდნენ ცხელ ხაზზე 2 100 229.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან