საქართველოს პრეზიდენტმა გიორგი მარგველაშვილმა ქვეყნის დაცვისა და ერთიანობისთვის ბრძოლაში გამოჩენილი განსაკუთრებული  მამაცობისთვის, გამორჩეული გმირობისა და თავდადებისათვის ქალაქ სოხუმის მერს, პოლკოვნიკ გურამ გაბესკირიას სიკვდილის შემდეგ საქართველოს ეროვნული გმირის წოდება მიანიჭა.

პრეზიდენტმა ეროვნული გმირის ორდენი პოლკოვნიკ გაბესკირიას  ოჯახს  გადასცა.

როგორც მარგველაშვილმა აღნიშნა, 27 სექტემბერი არის ქვეყნისთვის უდიდესი ტკივილი, რადგან უამრავმა ქართველმა სამშობლოს თავი შესწირა.

„დღეს ჩვენი ეროვნული გლოვისა და დიდი ტრაგედიის დღეა. 1993 წლის 27 სექტემბერს დაეცა სოხუმი. მაშინ არაერთმა ქართველმა გმირმა შესწირა თავისი სიცოცხლე სამშობლოს დაცვას, მათ შორის 27 სექტემბერს ჟიული შარტავასთან ერთად ალყაში მოექცა და დახვრეტილ იქნა მტრების მიერ. როდესაც მას დაჩოქება უბრძანეს, უთხრა რომ ამას არასდროს იზამდა. ასე წელგამართული შეეგება სიკვდილს. დღეს ამ ადამიანის ღვაწლს გამოვყოფ, სოხუმის მერის პოლკოვნიკ ზურაბ გაბესკირიას ხსოვნას აღვნიშნავთ და იმ ტკივილთან ერთად, რომელიც ყველას გვაერთიანებს, გვაერთიანებს სიამაყეც და ზეიმიც მისი უტეხი სულისა. დღეს ჩვენ ვაჯილდოვებთ ჩენი სამშობლოს უმაღლესი ჯილდოთი, ეროვნული გმირის წოდებით ამ ადამიანს“,-განაცხადა პრეზიდენტმა.

ცნობისთვის, 1993 წლის 27 სექტემბერს  აფხაზეთის მინისტრთა საბჭოს შენობის შტურმისას სეპარატისტებმა ქალაქის მერი პოლკოვნიკი გურამ გაბესკირია, ჟიული შარტავასთან ერთად ტყვედ აიყვანეს და დახვრიტეს.

ავტორი: ,

სოციალური ქსელები

თიბისი კაპიტალმა მაკროეკონომიკური განახლება გამოაქვეყნა

სუხიშვილების ღია სცენა თაკარა ახალი პროგრამით ბრუნდება, ღონისძიებების მხარდამჭერია SOLO (რ)

STEM განათლება მთელი საქართველოსთვის - BOG-ისა და კომაროვის ერთობლივი პროექტი

მაკა ბოჭორიშვილი მარკო რუბიოს მიწვევით ვაშინგტონში მინისტერიალში მიიღებს მონაწილეობას