"ნაციონალური მოძრაობის" წევრის რომან გოცირიძის შეფასებით, ქართველი ხალხი მმართველ გუნდს "კრიზისული დოკუმენტის" მიღებას არ აპატიებს.

როგორც გოცირიძემ რიგგარეშე სხდომაზე სიტყვით გამოსვლისას აღნიშნა, ოპოზიცია "მმართველი ხელისუფლების მხრიდან საქართველოს ხალხზე ძალადობის მოწმეა".

"ეს არის კონსტიტუცია, რომელსაც არ ჰყავს არსად არც ერთი მხარდამჭერი, გარდა ერთადერთი პარტიისა. ვინ გიჭერთ გარეთ მხარს?! ვენეციის კომისიის დასკვნა ნახეთ ბოლოში, რომ არის უარყოფითი. ვენეციის კომისია არის ევროკავშირი. თქვენ ერთი სატელიტი პარტიაც კი, ვერ მოძებნეთ მიუხედავად იმისა, რომ გაქვთ ძალიან ბევრი ადმინისტრაციული და ფინანსური რესურსი. ერთი მაინც ვერ მოძებნეთ, რომელიც გამოვიდოდა და იტყოდა, რომ ეს კონსტიტუცია მოსწონს. ერთი სერიოზული არასამთავრობო ორგანიზაციაც ვერ მიიმხრეთ რომელიც ნამუსზე აიღებდა ხელს და ამ დოკუმენტს გაამართლებდა. უფრო მეტიც, ერთი ექსპერტი ტელევიზიითაც კი ვერ გამოაჩინეთ, რომელიც იტყოდა, რომ ეს კონსტიტუცია კარგია. არადა, არ გაკლიათ არც მასმედია და არც ექსპერტების ნაკლებობა. 2030 -ის მთელი საექსპერტო სამყარო შეკარით და 5-6 კაცი პარლამენტშიც არის. სად არიან ახლა ისინი?  აქ ხატოვანი გამონათქვამები გაისმა და ძველი კონსტიტუცია ადამიანის სხეულებს შეადარეთ. ამ კონსტიტუციის თავი და ტანი არის ივანიშვილი, თქვენ ხართ ფეხები. აი ამაშია საქმე და თქვენ არავინ არაფერს გეკითხებათ კონსტიტუციის შექმნაში. ეს არის ამ კონსტიტუციის ფიზიონომია. 7 წლის შემდეგ მოატყუეთ სხვები, რადგან 7 წლის შემდეგ აქ მჯდომის სახელი და გვარი არავის ემახსოვრება. ეს არის კრიზისული დოკუმენტი და ქართველი ხალხი ამ დოკუმენტის მიღებას არ გაპატიებთ”, - განაცხადა რომან გოცირიძემ.

ავტორი: ,

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა