ერაყის ქურთისტანის ავტონომიურ რეგიონში ერაყისგან გამოყოფას რეფერენდუმში მონაწილეთა 93% უჭერს მხარს, - ამის შესახებ "რია ნოვოსტი" იუწყება.

დღეს გამოქვეყნებული წინასწარი შედეგების თანახმად, ერაყისგან გამოყოფას, რეფერენდუმში მონაწილე ადამიანების 6.71% არ უჭერს მხარს. ამასთან, ოფიციალური პირების თქმით, შედეგები შესაძლოა შეიცვალოს, რადგან ხმების დათვლის პროცედურა ჯერ კიდევ გრძელდება. ოფიციალური შედეგები ხუთშაბათს, 28 სექტემბერს გამოქვეყნდება.

მედია საშუალების ინფორმაციით, რეფერენდუმის ჩატარებას ბაღდადის ცენტრალური ხელისუფლება ეწინააღმდეგებოდა. ამასთან, ცენტრალურმა ხელისუფლებამ სხვა ქვეყნებს მოუწოდა, ქურთისტანის ავტონომიური რეგიონიდან ნავთობის იმპორტზე უარი თქვან. ერაყის პრემიერ-მინისტრის ჰაიდერ ალ-აბადის განცხადებით, ხელისუფლება რეფერენდუმის შედეგებს არ აღიარებს და მისი ჩატარება არალეგიტიმურად მიაჩნია.

მედიის ცნობით, რეფერენდუმს მსოფლიოს მასშტაბით ბევრი მოწინააღმდეგე ჰყავს. ქურთისტანის რეგიონის ერაყისგან გამოყოფას უარყოფითად აფასებს გაეროც. გაეროს გენერალური მდივანი ანტონიო გუტერეში აცხადებს, რომ ეს პროცესი “ისლამური სახელმწიფოს“ წინააღმდეგ ბრძოლას ხელს უშლის. აღსანიშნავია, რომ რეფერენდუმის გადადებისკენ ქურთისტანის ლიდერს მასუდ ბარზანს ამერიკის შეერთებული შტატების სახელმწიფო მდივანმა რექს ტილერსონმა მოუწოდა.

რეფერენდუმამდე ერთი დღით ადრე თურქეთის ხელისუფლებამ ერაყის ჩრდილოეთ ნაწილში ქურთისტანის მუშათა პარტიის იარაღის საწყობები დაბომბა. ოფიციალური ანკარა ერთ-ერთია იმ ქვეყნებს შორის, რომელიც რეფერენდუმს ეწინააღმდეგება.

შეგახსენებთ, რომ რეფერენდუმის ჩატარების გადაწყვეტილება ერაყის ქურთისტანის პარლამენტმა 15 სექტემბერს მიიღო. კენჭისყრა რეფერენდუმის შესახებ 2-წლიანი პაუზის შემდეგ განახლდა. პლებისციტის ჩატარებას მხარი 68 დეპუტატიდან 65-მა დაუჭირა.

ცნობისთვის, ერაყის ქურთისტანი არაოფიციალური სახელწოდებაა. ის ერაყის ჩრდილოეთით მდებარეობს და ქვეყნის ერთადერთ ავტონომიურ რეგიონს წარმოადგენს. ადგილობრივი ხელისუფლების სათავეში კი, მასუდ ბარზან დგას.

ავტორი: ,

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა