ლვოვის ოლქის ქალაქ მოსტისკში, საქართველოს მესამე პრეზიდენტის, მიხეილ სააკაშვილის მიერ უკრაინის საზღვრის გადაკვეთის საქმეზე სასამართლო პროცესი მიმდინარეობს.

ამის შესახებ ინფორმაციას მიხეილ სააკაშვილი Facebook-ის საკუთარ გვერდზე ავრცელებს.

"ახლა, მოსტისკის სასამართლოში, ჩემ მიერ საზღვრის გადაკვეთის გამო სავარაუდო ადმინისტრაციული დარღვევის შესახებ პროტოკოლი განიხილება. გადავწყვიტე, არ გავაუქმო ქალაქ ჩერკასში დაგეგმილი შეხვედრები ხალხთან, ვინაიდან, სწორედ ამის მიღწევას ცდილობს ხელისუფლება - დაგვღალონ სასამართლო პროცესებით, რათა ხალხთან შეხვედრის დრო აღარ გვქონდეს“, - წერს სააკაშვილი.

ამასთან, სააკაშვილი მოსტისკის სასამართლოს თავმჯდომარის პირად საუბარს ავრცელებს, რომელიც "პრანკერებმა" მოიპოვეს. კერძოდ კი, "რამდენიმე დღის წინ,  სასამართლოს თავმჯდომარეს ალექსანდრ გრანოვსკიმ დაურეკა, რომელიც, პრეზიდენტთან მსგავსი საქმეებით არის დაკავებული, და პოროშენკოს სახელით გასცა ბრძანება, რომ გამოეტანათ ჩემთვის განაჩენი და საზღვრის უკანონოდ გადაკვეთის გამო, ჯარიმა დაეწერათ. მოსამართლე ბილოუსი მას შეჰპირდა, რომ შეასრულებდა ამ ბრძანებას, ვინაიდან, სწორედ პოროშენკომ დანიშნა იგი თანამდებობაზე და ვადაც გაუხანგრძლივა, თუმცა არ არსებობს რაიმე სახის სამართლებრივი გარემოება, რომლის მიხედვითაც დადგინდებოდა, რომ მე რაღაც დავარღვიე. პოლონეთში საზღვარი ლეგალურად გადავკვეთე და უკვე უკრაინის ტერიტორიაზე მესაზღვრეებს შესაბამისად, სრული პასუხისმგებლობით ვთავაზობდი ჩემი დოკუმენტების შემოწმებას, რაზეც მესაზღვრეებმა უკანონო უარი გამცეს. არასდროს ვყვები ჭორებს და ბოლომდე დარწმუნებული ვარ, რომ მოსამართლე ბილოუსი მონაწილეობას იღებდა ასეთ მოლაპარაკებებში. იმედი მაქვს, რომ არაა საჭირო იმის ახსნა, რომ ეს მხოლოდ საუბარი და დაპირებები კი არაა, არამედ ეს ქმედებაა, რომელიც სისხლის სამართლის კოდექსით ისჯება. იმისათვის, რომ მე დარღვევისთვის ბრალი დამდონ, უნდა დამტკიცდეს ჩანაფიქრი, რაც ბუნებრივია, არც ყოფილა, აგრეთვე ჩემ მხრიდან განხორციელებული მიზანმიმართული ქმედებები, რაც აგრეთვე არ ყოფილა", - წერს სააკაშვილი.

ავტორი: ,

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა