საქართველოს ფინანსთა სამინისტროს ბუღალტრული აღრიცხვის, ანგარიშგებისა და აუდიტის ზედამხედველობის სამსახურმა ანგარიშგებების წარდგენისა და გასაჯაროების პროცესის შესახებ პრეზენტაცია გამართა.

ფინანსთა სამინისტროს ინფორმაციით, პრეზენტაციაზე წარმოდგენილ იქნა „ბუღალტრული აღრიცხვის, ანგარიშგებისა და აუდიტის შესახებ" საქართველოს კანონის ძირითადი მოთხოვნები ანგარიშგებასთან დაკავშირებით, რეალურ რეჟიმში განხორციელდა ანგარიშებებისა და აუდიტორული დასკვნის წარდგენის ტექნიკური პროცესის დემონსტრაცია.

დამსწრე საზოგადოებას ასევე წარედგინა ანგარიშგების პორტალის სტრუქტურა და ფუნქციონალი.

პრეზენტაციის სამიზნე აუდიტორიას წარმოადგენდნენ ის სუბიექტები, რომლებიც ვალდებულნი არიან 2016 წლის ფინანსური ანგარიშგებები და აუდიტორული დასკვნები წარმოადგინონ მიმდინარე წლის 1 ოქტომბრამდე, ასევე იმ აუდიტორული ფირმების წარმომადგენლები, რომლებსაც მინიჭებული აქვთ სდპ-ის აუდიტის ჩატარების დროებითი უფლებამოსილება.

პრეზენტაციის დასრულების შემდეგ მათ მიეცათ შესაძლებლობა კითხვა-პასუხის რეჟიმში მიეღოთ საჭირო ინფორმაცია.

პრეზენტაციას დაესწრნენ ფინანსთა სამინისტროს, ეროვნული ბანკის, დაზღვევის სახელმწიფო ზედამხედველობის სამსახურის, პროფესიული ორგანიზაციების წარმომადგენლები.

იხილეთ პრეზენტაცია

(NS)

ავტორი: ,

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა