გავრცელებული ინფორმაციით, ლევან ყიფიანი თანამდებობას ტოვებს

2015-04-29 09:33:08, 402 ნახვა

პოლიტიკა

გავრცელებული ინფორმაციით, თანამდებობას მინისტრთა კაბინეტის კიდევ ერთი წევრი, ლევან ყიფიანი ტოვებს.

სამინისტროს საზოგადოებასთან ურთიერთობის სამსახურში აღნიშნულ ინფორმაციას არც უარყოფენ და არც ადასტურებენ.

მათივე ცნობით, 12:00 საათზე ლევან ყიფიანი პრესკონფერენციას გამართავს, თუმცა რა საკითხზე ისაუბრებს მინისტრი ჯერჯერობით უცნობია.

ყიფიანის საქმიანობით საქართველოს პარლამენტის სპორტისა და ახალგაზრდული კომიტეტი უკმაყოფილოა. კომიტეტის 11-მა წევრმა უმრავლესობიდან, გუშინ საქართველოს პრემიერ-მინისტრს სპეციალური განცხადებითაც მიმართა.

ცნობისთვის, ყიფიანის გადადგომის შემთხვევაში, პარლამენტს მთავრობისთვის ნდობის ხელახალი გამოცხადება მოუწევს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან