„დღე, როცა ვერ მოჰკლეს ილია“ – საზოგადოებრივი და შემოქმედებითი გაერთიანება „ეროვნული იმპერატივის“ ორგანიზებით აღნიშნული პროექტი ტრადიციად იქცა და წელსაც,  თბილისის მერიის ხელშეწყობით,  ილია ჭავჭავაძის ღვაწლის დასაფასებლად და საზოგადოებაში მისი ღირებულებების უკვდავყოფის მიზნით 12 სექტემბერს ღონისძიებების ციკლი სიონის ტაძრის ეზოდან დაიწყება.

12 სექტემბრის 13:00 საათზე  სიონის ტაძრის ეზოში საზოგადოებას სიტყვით მიმართავენ სალიტერატურო სფეროს წარმომადგენლები. შემდეგ კი მოეწყობა მსვლელობა სიონის ტაძრიდანმთაწმინდის პანთეონისკენ, სადაც აღევლინება პარაკლისი.

პროექტის ფარგლებში, წელს პირველად გაიცემა „ილია ჭავჭავაძის ეროვნული პრემია  საზოგადოების განვითარებისათვის გაწეული ღვაწლისათვის“.  სხვადასხვა თაობის ხელოვანები და ფოლკლორისტი მუსიკოს-შემსრულებლები წარმოადგენენ თეატრალიზებულ დადგმებს ილიას ნაწარმოებებისა და ილიას თემაზე შექმნილი პოეტური და პროზაული ნაწარმოებების მიხედვით. ასევე,დაგეგმილია გამოფენა  საქართველოს პარლამენტის ეროვნულ ბიბლიოთეკაში.

გარდა ამისა, საგურამოს ილია ჭავჭავაძის სახლ-მუზეუმის ღია სცენაზე წარმოდგენილი იქნება ახალი დრამატურგიული ნაწარმოების მიხედვით დადგმული სპექტაკლი„საუკუნის მკვლელობა“ (რეჟ.: გიორგი სავანელი) - ილია ჭავჭავაძის ცხოვრებისა და მოღვაწეობის შესახებ.  პროექტის ნებისმიერ აქტივობაზე, მსურველთათვის დასწრება თავისუფალი იქნება.

2017 წელი ილია ჭავჭავაძის საიუბილეო წელია. მისი დაბადებიდან 180, ხოლო მკვლელობიდან 110 წელი სრულდება.

ღონისძიებას დაესწრებიან შიდა ქართლიდან დევნილი, ასევე, ფრეზეთის, წეროვანის, კარალეთის და შაუმიანის დევნილთა კომპაქტურ დასახლებებში მცხოვრები მოსწავლეები.

(NS)

ავტორი: ,

სოციალური ქსელები

თიბისი კაპიტალმა მაკროეკონომიკური განახლება გამოაქვეყნა

სუხიშვილების ღია სცენა თაკარა ახალი პროგრამით ბრუნდება, ღონისძიებების მხარდამჭერია SOLO (რ)

STEM განათლება მთელი საქართველოსთვის - BOG-ისა და კომაროვის ერთობლივი პროექტი

მაკა ბოჭორიშვილი მარკო რუბიოს მიწვევით ვაშინგტონში მინისტერიალში მიიღებს მონაწილეობას