საფრანგეთში შატო-შალონის სოფელში უცნობებმა ადგილობრივ ეკლესიაში ნაკურთხი წყალი კონიაკით შეცვალეს. ამის შესახებ სააგენტო "ფრანცპრესი" ადგილობრივ ტურისტულ ცენტრზე დაყრდნობით იუწყება.

ინციდენტი აგვისტოს ბოლოს მოხდა, მაგრამ მედიაში ინფორმაციამ მხოლოდ ახლა გაჟონა. ეკლესიაში შესულმა ტურისტებმა ალკოჰოლის სუნი იგრძნეს და გიდს ჰკითხეს, ხომ არ იყო ეს ადგილობრივი ტრადიცია.

ადგილობრივმა სამართალდამცავებმა ჟურნალისტებთან საუბრისას აღნიშნეს, რომ უცნობმა პირებმა საეკლესიო ნაკურთხი წყლის ჭურჭელში ერთი ლიტრი კონიაკი ჩაასხეს.

"ბევრი ვიცინე. მე ვფიქრობ, რომ ხალხს, რომელმაც ეს გააკეთა იუმორის გრძნობა ნამდვილად გააჩნია. მათ უბრალოდ ძველი ტრადიციების დაცვა არ სურთ",- განაცხადა შატო-შალონის მერმა კრისტიან უილიემმა და დასძინა, რომ ამ ხუმრობამ "ყველა გაახალისა".

საეკლესიო ჭურჭელი გაწმინდეს და ნაკურთხი წყლით კვლავ აავსეს. გამოძიება არ დაწყებულა."იუმორისტების"ვინაობა დღემდე უცნობია.

ავტორი: ,

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე