საქართველოს პრემიერ-მინისტრის გიორგი კვირიკაშვილის განცხადებით, მიუხედავად არსებული კერებისა, სიტუაცია კონტროლს ექვემდებარება.

როგორც კვირიკაშვილმა განაცხადა, მოსახლეობას საფრთხე არ ემუქრება.

ამასთან, პრემიერის ინფორმაციით, ხელისუფლებამ გარკვეული აპარატურა შეიძინა, რომელსაც ცოცხალი ძალა გამოიყენებს.

"მოგეხსენებათ, რომ მთელი დღის განმავლობაში მიმდინარეობდა ხანძარსაწინააღმდეგო ოპერაცია, როგორც ავიაციის ასევე ცოცხალი ძალის მეშვეობით. დღის მეორე ნახევარში, მიუხედავად ჩვენი დილანდელი პოზიტიური მოლოდინებისა, კლიმატური პირობები გართულდა, იყო ძლიერი ქარი, რომელმაც გააძლიერა რამდენიმე კერა. ამ წუთას სიტუაცია კონტროლს ექვემდებარება და მოსახლეობისთვის საფრთხე არ არსებობს. ვცდილობთ, რომ ღამის განმავლობაში გავაგრძელოთ მძიმე ტექნიკით მუშოაბა. ასევე, შევიძინეთ გარკვეული ახალი აპარატურა, რომელსაც ცოცხალი ძალა გამოიყენებს, იმისათვის, რომ კერების ჩაქრობა მოხდეს. ღამის განმავლობაში გაგრძელდება შტაბის მუშაობა. დილით გვექნება უფრო ცხადი სურათი. ძალიან ბევრი რამ არის ქარზე დამოკიდებული, ამ ეტაპზე ხანძრის გავრცელების საშიშროება მოსახლეობის მიმართულებით არ არსებობს", - განაცხადა კვირიკაშვილმა.

კითხვაზე - განიხილავს თუ არა პრემიერ-მინისტრი დივერსიის ვერსიას, მთავრობის მეთაურმა აღნიშნა, რომ ეს მისი კომპეტენცია არ არის.

"ჩემი საქმე არ არის სხვადასხვა ვერსიების განხილვა. ჩემი საქმე არის ის რომ მაქსიმალურ მოკლე პერიოდში სტიქიის შედეგების მინიმიზირება მოვახდინოთ", - დასძინა პრემიერმა.

ავტორი: ,

სოციალური ქსელები

ენერგეტიკული კოლაფსი რუსეთში: უკრაინული დარტყმების ფონზე ,,გაზპრომმა” მუშაობა შეწყვიტა

ნაუსედა: ჩვენ გვაქვს სადაზვერვო ინფორმაცია, რომ რუსეთი ლიეტუვის ინფრასტრუქტურაზე თავდასხმებს გეგმავს

დღეს უკრაინის სახელმწიფოებრიობის დღეა - კიევი საერთაშორისო პარტნიორებს მასპინძლობს

ზურა ჯაფარიძეს ავტომობილი დაეჯახა - პოლიტიკოსი კლინიკაშია გადაყვანილი