2017-08-17 17:26:45, 2560 ნახვა
კომენტარი
Gem Fest-ის დამფუძნებელი გიორგი სიგუა დაკითხვაზე დაიბარეს
„ჯემ ფესტის“ დამფუძნებელი გიორგი სიგუა ფინანსთა სამინისტროს საგამოძიებო სამსახურში დაკითხვაზეა დაბარებული.
როგორც სიგუამ "იმედის" ეთერში განაცხადა, ის მზადაა ყველა კითხვას უპასუხოს.
"როგორც ხედავთ ვიმყოფები საქართველოში. ხვალ ვუპასუხებ ფინანსთა სამინისტროს საგამოძიებო სამსახურის კითხვებს. ვიმყოფებოდი ევროპაში ჩვენს უცხოელ პარტნიორებთან. წესით და რიგით არ უნდა ჩამოვსულიყავი საქართველოში ასე მალე, მაგრამ სწორედ იმისთვის, რომ ვინმემ არ ჩათვალოს, თითქოს გავიპარე, ამიტომ ჩამოვედი და ყველა კითხვას პასუხს გავცემ", - განაცხადა გიორგი სიგუამ.
მისივე ინფორმაციით, ის უწყებაში 11:00 საათზე მოწმის სახით არის დაბარებული.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
