შინაგან საქმეთა მინისტრის მოადგილემ, დავით ვარდიაშვილმა, შსს-ს დაცვის პოლიციის დეპარტამენტის დირექტორთან, გურამ ტომარაძესთან ერთად, დაცვის პოლიციის დეპარტამენტის ადმინისტრაციული შენობის ეზოში, აგვისტოს ომში საქართველოს ერთიანობისთვის და სამსახურებრივი მოვალეობის შესრულების დროს დაღუპული შსს-ს თანამშრომელების ხსოვნისადმი მიძღვნილი მემორიალი გახსნა.

შსს-ს ინფორმაციით, დავით ვარდიაშვილმა და გურამ ტომარაძემ მემორიალი გვირგვინით შეამკეს.

გახსნის ცერემონიის შემდეგ, 2008 წლის აგვისტოს მოვლენების დროს დაღუპულ გმირთა სულების მოსახსენიებელი პანაშვიდი აღევლინა. დაცვის პოლიციის დეპარტამენტის თანამშრომლებმა გარდაცვლილ პოლიციელთა ხსოვნას წუთიერი დუმილით პატივი მიაგეს.

2008 წლის აგვისტოს საომარი მოქმედებების დროს შინაგან საქმეთა სამინისტროს 19 თანამშრომელი დაიღუპა, მათ შორის, დაცვის პოლიციის დეპარტამენტის უმცროსი ინსპექტორი, 20 წლის ზვიად ჩიჩუა. იგი ფოთის პორტის დაბომბვისას მიღებული ჭრილობების შედეგად გარდაიცვალა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყაველაშვილი დოჰაშია, სადაც კატარის სახელმწიფოს ემირს შეხვდება და ყოფილი ემირის გარდაცვალებას მიუსამძიმრებს

შსს: ნარკოდანაშაულისთვის 121 ადამიანი დავაკავეთ, საქართველოს და უცხო ქვეყნის მოქალაქეები

სახელმწიფოს ქონების ქურდობისთვის დაკავებული ლევან გამრეკელი გირაოს სანაცვლოდ გაათავისუფლეს

სალომე ზურაბიშვილი: ოპოზიციის გაერთიანება შეიძლება „ოცნების“ პარტიის ჩარევის გამო ჩაშლილიყო