საპარლამენტო უმრავლესობის ლიდერმა არჩილ თალაკვაძემ პარლამენტის რიგგარეშე სხდომაზე ხელისუფლების საგარეო პოლიტიკასთან დაკავშირებით ისაუბრა.

მისი თქმით, „ქართული ოცნების“ ხელისუფლების პირობებში წარმატებით განხორციელდა ვიზალიბერალიზაციის სამოქმედო გეგმა, ხელი მოეწერა ასოცირების ხელშეკრულებასა და თავისუფალი ვაჭრობის შესახებ ევროკავშირთან ხელშეკრულებას. მან ასევე  საქართველო-ამერიკის შეერთებულ შტატებს შორის ურთიერთობაზეც გაამახვილა ყურადღება:

„საგარეო პოლიტიკაზე როდესაც ვსაუბრობთ, შეფასებები კონკრეტულ მტკიცებულებებზე დაყრდნობით უნდა გავაკეთოთ. ფაქტები ამბობს შემდეგს: ჩვენი ხელისუფლების პირობებში წარმატებით განვახორციელეთ ვიზალიბერალიზაციის სამოქმედო გეგმა  და მივიღეთ უვიზო რეჟიმი, ჩვენ მოვაწერეთ ხელი ასოცირების ხელშეკრულებას, მოვაწერეთ ხელი თავისუფალი ვაჭრობის შესახებ ევროკავშირთან ხელშეკრულებას. რაც შეეხება ამერიკის შეერთებულ შტატებს, ალბათ კმარა მხოლოდ პრემიერ-მინისტრის ძალიან მაღალი დონის შეხვედრები ამერიკის პრეზიდენტთან, ტრამპთან, ასევე ვიცე-პრეზიდენტ პენსთან, ვნახეთ სენატის, წარმომადგენელთა პალატის რეზოლუციები საქართველოს ტერიტორიული მთლიანობის მხარდასაჭერად, ვნახეთ ეკონომიკური ინიციატივები და ვნახეთ, რომ საქართველო აშშ-ს საგარეო დღის წესრიგში კვლავაც მნიშვნელოვან ადგილს იკავებს.  ამით უნდა ვიმსჯელოთ, თუ რა საგარეო პოლიტიკა აქვს ჩვენს ხელისუფლებას“,-აღნიშნა თალაკვაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა

საქართველოს ბანკის ორგანიზებით, ბათუმში ბიზნესებისთვის EBRD-ის მხარდამჭერ პროგრამებზე შეხვედრა გაიმართა

ფილმი „მაიკლი“ ყველა დროის ყველაზე მაღალშემოსავლიან ბიოგრაფიულ ფილმად იქცა