„ბიუჯეტის კორექტირების შესახებ გადაწყვეტილებას 1–2 თვეში მივიღებთ“, – ამის შესახებ ფინანსთა მინისტრმა ნოდარ ხადურმა ჟურნალისტებს „თბილისის მერიოტში“ განუცხადა, სადაც ეკონომიკური ფორუმი მიმდინარეობს. 

მისივე თქმით,  საგადასახადო შემოსავლების კუთხით ვითარება სტაბილურია და წინა წლის მონაცემებთან შედარებით ეს მაჩვენებელი 15–16%–ით არის გაზრდილი. 

„ჩვენ ველოდებოდით აპრილის ბოლოსთვის მონაცემებს და ერთობლივად გვინდოდა საერთაშორისო სავალუტო ფონდთან გვემუშავა. თუმცა, იმის გამო, რომ საკმაოდ ურთიერთგამომრიცხავი მონაცმეები გვაქვს, ჩვენ ალბათ კიდევ 1–2 თვეს დავიცდით და შემდეგ მივიღებთ გადაწყვეტილებას“, – აღნიშნა ხადურმა. 

რაც შეეხება საქართველოში არსებულ საინვესტიციო გარემოს, ხადურმა ევროპის რეკოსნტრუქციისა და განვითარების ბანკის პრეზიდენტის სერ სუმა ჩაკრაბარტის სიტყვების ციტირება მოახდინა “საქართველოში არის ძალიან კარგი საინვესტიციო გარემო“. 

„ევროპის რეკოსნტრუქციისა და განვითრების ბანკის პრეზიდენტი მოუწოდებს ინვესტორებს ჩამოვიდნენ საქართველოში და აქ განახორციელონ თავიანთი საქმიანობა. ამის ერთ–ერთი დასტურია ის საერთაშორისო დონის ბიზნეს–ფორუმი, რომელიც თბილისში რამდენიმე კვირაში გაიმართება“, – აღნიშნა ხად

ურმა. 
მისივე განცხადებით,  შარშან პირდაპირმა უცხოურმა ინვესტიციებმა მილიარდ 272 მილიონი დოლარი შეადგინა, რაც მინისტრის განმარტებით,  2008 წლის შემდეგ რეკორდული მაჩვენებელია. 
„ეს მონაცემები ხაზს უსვამს, რომ საქართველო ცნობადი სახეა“, – დასძინა ხადურმა.  

მინისტრის თქმით, რეგიონში არსებული ფაქტორების ფონზე საქართველოში საკმაოდ პოზიტიური მოლოდინებია. 

ცნობისთვის, „თბილისი მარიოტში“ ეკონომიკური ფორუმი მიმდინარეობს, სადაც ფინანსთა მინისტრი ნოდარ ხადური სიტყვით გამოვიდა. კონფერენციაში მონაწილებას იღებს დედაქალაქის მერი დავით ნარმანიაც.  ეკონომიკური ფორუმი საქართველოს ეკონომისტთა ასოციაციის, ბიზნეს პალატისა და თავისუფალი ეკონომოკური ინსტიტუტის ორგანიზებით იმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბოჭორიშვილი- ევროკავშირში ხშირად ატარებენ შეხვედრებს, იმისთვის რომ საქართველო არ მიიწვიონ

კობახიძემ მოიტყუა, რომ ევროპარლამენტი არ აღიარებს საქართველოს სუვერენიტეტს მთელ ტერიტორიაზე

სტრასბურგის სასამართლომ რუსეთს პასუხისმეგებლობა დააკისრა საქმეზე, რომელიც გიორგი ანწუხელიძესა და სხვა მეომრებს ეხება

"ქართულმა ოცნებამ" ევროსასამართლოში გამოხატვის თავისუფლების საქმეზე დავა წააგო