ე.წ. ციანიდის საქმეზე სასამართლო პროცესი ბრალდების მხარის მოწმეები დაკითხვით განახლდა.

როგორც ცნობილია, დღევანდელ სხდომაზე 10-მდე პირი დაიკითხება.

კერძოდ, პროკურორ ზვიად გუბელაძის ინფორმაციით, სასამართლოს ჩვენებას მისცემს მამა გიორგი მამალაძის მძღოლი, ბრალდებულის მეგობარი და ადამიანი, ვისაც პროკურორის განმარტებით, მამა გიორგი მამალაძე 2016 წლის ზაფხულის თვეში გველის შხამს სთხოვდა.

ასევე დაიკითხებიან გამომძიებლები, რომლებმაც სხვადასხვა საგამოძიებო მოქმედებები ჩაატარეს.

პროკურორის თქმით, დღეს სასამართლოს ასევე ჩვენებას მისცემს ანალიტიკოსი არჩილ გამზარდია იმ ინფორმაციასთან დაკავშირებით, რომელიც მან სოციალური ქსელის მეშვეობით გაავრცელა.

ამასთან, ზვიად გუბელაძის ინფორმაციით, ამ დროისთვის ბრალდების მხარემ 60-ზე მეტი მოწმე დაკითხა. პროკურორის მტკიცებით, ყველა მათგანმა დაადასტურა გამოძიების ეტაპზე მიცემული ჩვენება და ის, რომ ბრალდებულ მამა გიორგი მამალაძეს ანგარებით განზრახ მკვლელობის მომზადება ჰქონდა დაგეგმილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს