სოციალურ ქსელში გავრცელდა პეტიცია  - "აეკრძალოს უცხო ქვეყნის მოქალაქე გიდებსა და მძღოლებს ტურების ჩატარება საქართველოს ტერიტორიაზე".

პეტიციაზე ხელმომწერნი, ეკონომიკისა და მდგრადი განვითარების სამინისტროს სისტემაში შემავალი სსიპ – საქართველოს ტურიზმის ეროვნული ადმინისტრაციას მიმართავენ.

როგორც პეტიციის ტექსტშია ნათქვამი, მოთხოვნას საფუძვლად უდევს უცხო ქვეყნის მოქალაქე გიდებისა და მძღოლების მიერ გაწეული უხარისხო ტურისტული მომსახურება, რომლის დროსაც, არ ხდება ქვეყნის ისტორიისა და კულტურის სათანადოდ გაცნობა ტურისტებისთვის, ასევე, ხშირ შემთხვევაში დამახინჯებულია ფაქტები და მოვლენები.

"აღსანიშნავია, რომ ტურისტულ ბიზნესში დასაქმებული პირების ლიცენზირება ამ პრობლემას გარკვეულწილად გადაჭრის. პრობლემის გადაჭრის ერთ-ერთი პირველი ნაბიჯი კი უცხო ქვეყნის მოქალაქე გიდებისა და მძღოლების თავისუფალი საქმიანობის დარეგულირებაა ჩვენს ქვეყანაში. საჭიროა ტუროპერატორების, ტურაგენტების, გიდებისა და მძღოლების ლიცენზირება გარკვეული სტანდარტების გათვალისწინებით. 

არსებობენ ქვეყნები, რომლებიც ამ სფეროს არეგულირებენ და მათ ქვეყანაში სხვა ქვეყნის მოქალაქე გიდს ეკრძალება საქმიანობა. 

გთხოვთ გაითვალისწინოთ ყოველივე ზემოთქმული და მიიღოთ შესაბამისი ზომები", - ნათქვამია პეტიციაში.

ცნობისთვის, პეტიციას 844 მოქალაქემ ხელი უკვე მოაწერა, თუმცა 9156 ხელმოწერაა საჭირო. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთმა განაცხადა, რომ საქართველო სატვირთო მანქანების გავლას ზემო ლარსის საკონტროლო-გამშვებ პუნქტზე ბლოკავს

უკრაინის პარლამენტმა ქვეყნის მთავრობა დაითხოვა

გეგელია - იმ ფონზე, როცა უკრაინა და მოლდოვა წინ მიდიან, საქართველო არის სრულ ჩიხში და იზოლაციაში

ჩინეთმა რუსეთთან ახალი გაზსადენი „სიბირის ძალა 2“-ის შესახებ მოლაპარაკებები შეაჩერა