საქართველოს ყოფილი პრეზიდენტმა მიხეილ სააკაშვილმა უკრაინის პრეზიდენტი პეტრო პოროშენკო ოკუპირებილ აფხაზეთთან „არალეგალურ" ვაჭრობასა და შემოსავლის მიღებაში დაადანაშაულა, - ამის შესახებ ოდესის ოლქის ყოფილმა გიბერნატორმა საკუთარ თოქ-შოუში განაცხადა.

როგორც სააკაშვილმა აღნიშნა, შესაბამისი ინფორმაცია მისთვის ცოტა ხნის წინ გახდა ცნობილი.

"უკრაინის ამჟამინდელი პრეზიდენტო პეტრო პოროშენკო, 2010 წლის ჩათვლით ქვეყნის საგარეო საქმეთა მინისტრი იყო, 2011 წლიდან კი ეკონომიკის მინისტრად დაინიშნა. პარალელურად ის ქარხანა "ბაგდანის" მფლობელიც გახლდათ. ეს იმ პერიოდში ხდებოდა, როდესაც რუსეთმა ჩვენი ორი ტერიტორიის ოკუპირება მოახდინა. რუსეთი დარბოდა მსოფლიოს მასშტაბით და ცდილობდა, რომ ვინმეს ეს ტერიტორიები ან ეღიარებინა ან რაიმე სახის ურთიერთობა ჰქონოდათ მათთან. მაშინ უკრაინასთან ჩვენ რთული სიტუაცია გვქონდა, ვინაიდან უკრაინა რუსეთის გავლენის ქვეშ იყო. იანუკოვიჩი არ გამორიცხავდა, რომ უკრაინას ამ ორი ოკუპირებული ტერიტორიის, სამხრეთ ოსეთისა და აფხაზეთის დამოუკიდებლობის აღიარება შეეძლო. ეჭვი მქონდა, რომ გარდა რუსეთის გავლენისა, არსებობდა რაღაც კომერციული ინტერესები. ცოტა ხნის წინ მივიღე ინფორმაცია, რომელიც ჩემთვის გაუგებარი და ამაზრზენია. საქმე იმაშია, რომ 2010-2014 წლებში, მაშინდელი ეკონომიკის მინისტრის, პეტრო პოროშენკოს კომპანია „ბაგდანი“ ოფიციალურად, თავისი პროდუქციის ექსპორტს ოკუპირებულ აფხაზეთში ახორციელებდა. პოროშენკო შემოსავალს არალეგალური, ამორალური, ანტიქართული და ანტიუკრაინული ვაჭრობისგან ღებულობდა. პრეზიდენტი პოროშენკო ვაჭრობდა და არღვევდა უკრაინისა და საქართველოს კანონებს და საერთაშორისო სამართალს. ეს არის ოფიციალური დოკუმენტირებული ინფორმაცია. ვთქვლი, რომ პოროშენკომ ამ ინფორმაციაზე პასუხი უნდა გასცეს", - აღნიშნა მიხეილ სააკაშვილმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ში თავშესაფრის მისაღებად ყალბ ისტორიებს ქმნიდნენ – პროკურატურამ ბრალდება 4 პირს წარუდგინა

კალაძე: "დიფსთეითი" თანამედროვე მსოფლიოსთვის უდიდესი პრობლემაა

გაზსადენზე მომხდარი ავარიის გამო დიღომში, დიდ დიღომსა და გლდანის რაიონში 4600 აბონენტს გაზის მიწოდება შეუწყდა

მერიამ ე.წ. დეზერტირების ბაზრის მიმდებარედ გარემოვაჭრეების დახლები აიღო