2017-06-29 10:31:03, 743 ნახვა
რეგიონი
ოკუპირებული აფხაზეთის დე-ფაქტო პრეზიდენტმა მოსახლეობის ე.წ. პასპორტიზაციის დაჩქარება მოითხოვა
ოკუპირებული აფხაზეთის დე-ფაქტო პრეზიდენტმა რაულ ხაჯიმბამ ე.წ. პასპორტებისა და "ბინადრობის მოწმობების" გაცემასთან დაკავშირებით "საგანგებო სხდომა" გამართა, - ამის შესახებ "სპუტნიკ-აბხაზია" იუწყება.
მედია საშუალების ინფორმაციით, შეხვედრას ოკუპირებული რეგიონის ყველა რაიონის ე.წ. საპასპორტო განყოფილების წარმომადგენელი ესწრებოდა. შეკრებილებმა უკვე გაწეული სამუშაოები განიხილეს.
"რაულ ხაჯიმბამ ყველა ე.წ. სამსახურის წარმომადგენელს საგანგებო დავალება მისცა, მოსახლეობის პასპორტიზაცია და ბინადრობის მოწმობების გაცემა დააჩქარონ", - განაცხადა დე-ფაქტო პრეზიდენტის ე.წ. პრეს-მდივანმა ნაალა ავიძბამ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
