სამწუხაროდ, ეკლესიას ძალიან ბევრი მტერი ჰყავს ქვეყნის გარეთაც და ქვეყნის შიგნითაც, რომლებსაც სურთ ეკლესიის დისკრედიტაცია, - ამის შესახებ მეუფე თეოდორე ჭუაძემ დეკანოზ გიორგი მამალაძის ოჯახის წევრებთან შეხვედრაზე განაცხადა, რომლის აუდიოჩანაწერიც საქართველოს საპატრიარქომ გაავრცელა.

როგორც მეუფე თეოდორემ აღნიშნა, ყველას სურვილია, რომ მამა გიორგი მამალაძის საქმეზე სიმართლე დადგინდეს.

„მთავარი არის სიმართლე, ეს ყველას გვინდა და თითოეული ჩვენთაგანის სურვილია, მაგრამ ძალიან ცუდია, როცა ეს გადადის ეკლესიის დისკრედიტაციის მცდელობაში. პოლიტიკოსები პოლიტიკურად იყენებენ ამას და ეკლესიის მოწინააღმდეგეები იყენებენ ეკლესიის საწინააღმდეგოდ. მთავარია, თითოეულმა ჩვენთაგანმა უნდა გაითვალისწინოთ, რომ არ მივცეთ არავის უფლება ამ საქმით მანიპულირების. ეს არის პრობლემა, რომ ყველა იყენებს ამ საქმეს სათავისოდ. არც მამა გიორგის სასარგებლოდ იყენებს არავინ და არც ეკლესიის სასარგებლოდ“, - განაცხადა მეუფე თეოდორემ.

მეუფის თქმით, მისთვის გაუგებარია რატომ ადანაშაულებენ დეკანოზ გიორგი მამალაძის დაკავებაში ეკლესიას.

„ყოველთვის ამბობენ, რომ ეკლესიაში საშინელება ხდება, რაღაც გველეშაპები ვართ ჩვენ და ვცდილობთ, რომ ეს ერთი მამა გიორგი დაგვეხრჩო სულ ყველას. ჩვენ თავს არ ვიმართლებთ არასდროს. ეკლესიის წევრები არ გამოვსულვართ საჯაროდ და თავი არ გვიმართლებია. თქვენ ძალიან კარგად იცით უამრავი რამ დაიწერა თითოეულ ჩვენგანზე და არც ერთს თავი არ გვიმართლებია. თუ შევეცდებით, რომ რაღაც სამართლებრივ საკითხებში ვითანამშრომლოთ. ის, რომ  მამა გიორგის საქმე გამოიყენო ეკლესიის მტრებმა ოჯახის და თვითონ მამა გიორგის წინააღმდეგ, ამის საშუალება არ უნდა მივცეთ. მამა გიორგის გამართლება ისევ ეკლესიის დისკრედიტაციით დაიწყო, თითქოს ეკლესიაა იმაში დამნაშავე, რომ მამამ გიორგი დაიჭირეს. რატომ ვართ ჩვენ დამნაშავე იმაში, რომ მამა გიორგი დაიჭირეს? აი, ეს ვერ გავიგე“, - განაცხადა მეუფე თეოდორემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთის უშიშროება: უკრაინის უსაფრთხოების სამსახური მოსკოვის ოლქში სტრატეგიულ ობიექტზე დრონებით მასშტაბურ თავდასხმას გეგმავდა

მარტა კოსი: დღეს ევროკავშირის გაფართოებისთვის „სუპერ სამშაბათია“ - ჩვენ მოლდოვასა და უკრაინასთან მე-6 კლასტერს ვხსნით

სუს: 9 რეგიონში ჩატარებული ღონისძიების შედეგად, დაკავებული და სისხლის სამართლის პასუხისგებაში მიცემულია 28 პირი

ფოთი - ჭადრაკის ქალაქი. საქართველოს ბანკი ფოთის საჭადრაკო კლუბის მთავარი მხარდამჭერია