„მუხთარლის ამბავმა კიდევ ერთხელ შეახსენა საზოგადოებას და ახლა უკვე სრულიად ცხადი გახადა „ქართული ოცნების“  ხელისუფლების სამარცხვინო საქმე და სახე, ეს სახე თანდათანობით ცნობილი ხდება საერთაშორისო მასშტაბით“, - ამის შესახებ „ევროპული საქართველოს“ წევრმა სერგო რატიანმა პარლამენტის პლენარულ სხდომაზე აზერბაიჯანელი ჟურნალისტის აფგან მუხთარლის საქმესთან დაკავშირებით განაცხადა.

როგორც რატიანმა აღნიშნა, თეორიულადაც შეუძლებელია, რომ რაიმე მიმართულებით „ქართული ოცნების“  ხელისუფლება გამართლდეს.

„ სამწუხაროა ,რომ ამან ქვეყნის საერთაშორისო იმიჯი ძალიან დააზიანა.  სანამ ეს  საქმე არ არის გამოძიებული , მინდა გითხრათ  რომ მთელ ქვეყანას აქვს გადაფარებული ტომარა, მეტიც ეს ტომარა გადაფარებული აქვს პარლამენტს და უმრავლესობას. თეორიულადაც არ არის შესაძლებლობა , რომ გაამართლო რაიმე მიმართულებით „ ქართული ოცნების“  ხელისუფლება. ის რომ სხვა ქვეყნის სპეც სამსახურებმა მოიტაცეს ადამიანი ეს ნიშნავს იმას  რომ არ არსებობს უსაფრთხოების სამსახური, ჩამოშლილია შინაგან საქმეთა სამინისტრო.   ეს  ფაქტობრივად იმასაც ნიშნავს,  რომ რეალურად ქვეყნის იმიჯი არ არსებობს“,-განაცხადა რატიანმა.

მისივე თქმით, ვიცე პრემიერის ალექსანდრე ჯეჯელავას განცხადება შეურაცხმყოფელი იყო.

„შემდეგ დღეებში რაც ხდებოდა ეს კიდევ უფრო შეურაცხმყოფელია, როდესაც ვიცე პრემიერი ამბობდა, რომ არ არის ეს ჟურნალისტიო ეს არის საზოგადოების მორალური და ინტელექტუალური შეურაცხყოფა და ამას აკეთებს განათლების მინისტრი.   სრულიად  ამაზრზენია ის , რომ მეორე დღეს პრემიერმა გააკეთა განცხადება თითქოსდა თავშესაფარს აძლევდა ამ ადამიანებს,  ესეც  შეურაცხმყოფელია . ეს არის ხელისუფლების დანაშაული , რომელსაც არ შეარჩენს არც ქართული საზოგადოება და არც საერთაშორისო საზოგადოება ამიტომ მოგიწოდებთ რომ  ყველაფერი გააკეთოთ  იმისთვის, რომ ეს საქმე იყოს გამოძიებული“,-განაცხადა რატიანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი ირანს „განადგურებით“ დაემუქრა, თუ თეირანი დარტყმებს არ შეწყვეტს

რუსთავის ქალთა ციხესთან, აქტივისტის ნანა სანდერის მხარდამჭერი აქცია მიმდინარეობს

პატრიოტი დანიელი მხარს უჭერს ბულგარეთის წინააღმდეგობას პატრიოტ კირილისთვის სანქციების დაწესების შესახებ

ლევან მაჭავარიანი და არჩილ გორდულაძე ბოდიშს იხდიან პარლამენტში ჩხუბისთვის