ძუძუს კიბოს წინააღმდეგ საქველმოქმედო მარათონს შრომის, ჯანმრთელობისა და სოციალური დაცვის მინისტრის მოადგილე ნინო ბერძული და დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორი ამირან გამყრელიძე შეუერთდნენ.

ჯანდაცვის სამინისტროს ინფორმაციით,  რბენა კუს ტბის მიმდებარე ტერიტორიაზე გაიმართა და მარათონში ყველა რეგისტრირებული მონაწილე ჩაერთო.

ჯანდაცვის მინისტრის მოადგილემ კიბოს ადრეული გამოვლენისა და მკურნალობის მიმართულებით სახელმწიფო პროგრამებზე ისაუბრა.

  ბერძულმა  დაავადების დროული დიაგნოსტირების მნიშვნელობაზე გაამახვილა ყურადღება.

„დღეისთვის, კიბოს ადრეული გამოვლენის შემთხვევაში გადარჩენის შანსი 98%-მდეა. სახელმწიფო სრულად უზრუნველყოფს ძუძუს კიბოს ნაადრევ გამოვლენას - სკრინინგს, ასევე მკურნალობას, რომელშიც როგორც ქირურგიული, ასევე სხუვური და ქიმიოთერაპიაშედის. ამდენად, მკურნალობის შედეგისთვის ადრეული გამოვლენა ძალიან მნიშვნელოვანია,“ - განმარტა ნინო ბერძულმა.

ძუძუს კიბო საქართველოში რეპროდუქციული ასაკის ქალთა სიკვდილიანობის ერთ-ერთ მთავარ მიზეზს წარმოადგენს.

ქვეყანაში 4 ტიპის სკრინინგის სახელმწიფო პროგრამა მოქმედებს. დროული დიაგნოსტირების შემთხვევაში კი, მკურნალობის შესაბამისი კურსია უზრუნველყოფილი.

„საქართველოს მარათონი სიცოცხლის გადასარჩენად“ არასამთავრობო ორგანიზაცია ქალთა ჯანმრთელობისა და კეთილდღეობის კავშირ „ჰერა“-ს ორგანიზებით, 2005 წლიდან იმართება.

ღონისძიება ძუძუს კიბოს შესახებ საზოგადოებრივი ცნობიერების ამაღლებასა და ადრეული დიაგნოსტიკის სერვისების პოპულარიზაციას ისახავს მიზნად.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინი ცხინვალის მარიონეტ კამბოლოვს: ველოდები, რომ გაგლოევის „განვითარებულ მოვლენებს“ გამოიყენებთ

მასშტაბური კორუფციის გამო მერიამ „რიყის დოქების“ დანგრევა გადაწყვიტა - აბესაძე

რუსეთში, ბენზინის დეფიციტის გამო, საავადმყოფოებისთვის, სახანძრო სამსახურებისთვის და საზოგადოებრივი კომუნალური კომპანიებისთვის საწვავის შესყიდვა შეფერხდა

აშშ-ის სახელმწიფო მდივანი მარკო რუბიო ვენესუელას ფაქტობრივი მმართველი გახდა -The New York Times