სოფლის მეურნეობის სამინისტროს სამეცნიერო-კვლევითი ცენტრის სპეციალისტებმა, პროექტის „მობილური ექსტენცია“ ფარგლებში, იმერეთის რეგიონის სოფლებში ფერმერებს კონსულტაციები გაუწიეს.

სოფლის მეურნეობის სამინისტროს ინფორმაციით, სამეცნიერო-კველევითი ცენტრის მებაღეობა-მევენახეობის, ბოსტნეულ-ბაღჩეული კულტურების კვლევის, მარცვლოვანი და ტექნიკური კულტურების კვლევის და მეცხოველეობის, ვეტერინარიის და საკვებწარმოების სამსახურის სპეციალისტებმა ფერმერების ნაკვეთები, ვენახები და ფერმები დაათვალიერეს.

უწყების ინფორმაციით, ისინი  ადგილზე გაეცნენ მათ პრობლემებს და გადაჭრის გზებზე მიაწოდეს ინფორმაცია.

პროექტი „მობილური ექსტენცია“ უკვე ორი წელია მიმდინარეობს. ამ ხნის განმავლობაში სპეციალისტებმა საქართველოს თითქმის ყველა რეგიონი მოიარეს და ათასობით ფერმერს დაეხმარნენ.

2017 წლის პირველ ნახევარში სოფლის მეურნეობის სამეცნიერო-კვლევითი ცენტრის სპეციალისტებმა,  პროექტის „მობილური ექსტენცია“ფარგლებში,  მცხეთა მთიანეთის - 14, ქვემო ქართლის - 27, შიდა ქართლის - 16 და კახეთის 22 სოფლის 3000-მდე ფერმერს საკონსულტაციო მომსახურება გაუწიეს.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის სახელმწიფო მდივანი მარკო რუბიო ვენესუელას ფაქტობრივი მმართველი გახდა -The New York Times

ევროკავშირმა VK-სა და Max Messenger-ის წინააღმდეგ სანქციები დააწესა

ფოთი - ჭადრაკის ქალაქი საქართველოს ბანკი ფოთის საჭადრაკო კლუბის მთავარი მხარდამჭერია

საქართველოს ბანკის ივლისის PLUS შეთავაზებები - დააგროვეთ მეტი PLUS ქულა ყოველდღიურ გადახდებზე