ერთი და იმავე სქესიანთა ქორწინებას, პირველად აზიაში, ტაივანი დააკანონებს

2017-05-24 16:06:11, 2567 ნახვა

საზოგადოება მსოფლიო

ტაივანის საკონსტიტუციო სასამართლომ განაცხადა, რომ ერთი და იმავე სქესის წყვილებს ლეგალურად ქორწინების უფლება უნდა ჰქონდეთ.

ტაივანი აზიაში პირველი ქვეყანა იქნება, რომელიც ლგბტ წყვილებს ქორწინების საშუალებას მისცემს.

აქტივისტებმა, რომლებიც წლების განმავლობაში ცდილობდნენ ქორწინების უფლების მოპოვებას, აღნიშნული ცვლილება სიხარულით აღნიშნეს.

ლესბოსელი, გეი, ბისექსუალი და ტრანსგენდერი აქტივისტები იმედოვნებენ, რომ მათი ძალისხმევა უშედეგოდ არ ჩაივლის და სასამართლოს მხარდაჭერით საწადელს მიაღწევენ.

გასულ წელს მმართველმა პარტიამ თვითმმართველ კუნძულზე ცვლილებას მხარი დაუჭირა.

ერთი და იმავე სქესიანთა ქორწინების ასობით მხარდამჭერი ტაივანის პარლამენტის წინ სასამართლოს გადაწყვეტილების აღსანიშნავად შეიკრიბა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან