ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ვიქტორ დოლიძე, რუსეთის მიერ ცხინვალში მარატ კულახმეტოვის ე.წ. ელჩად დანიშვნას მორიგ პროვოკაციად აფასებს.

როგორც  დოლიძემ აღნიშნა, კულახმეტოვის ე.წ. ელჩად დანიშვნა ერთგვარი ცინიკური ნაბიჯია.

"კულახმეტოვი ჩვეულებრივი ოკუპანტია, ისევე როგორც სხვა რუსი სამხედროები, რომლებიც ადგილზე არიან. ამიტომ ერთგვარ ცინიკურ ნაბიჯადაც შეგვიძლია აღვიქვათ ის, რომ ცხინვალში ელჩად სწორედ კულახმეტოვი მოავლინეს. მე მახსოვს კულახმეტოვი ვენაში ჩემი ელჩობის პერიოდში. კულახმეტოვი ცხინვალში ე.წ მშვიდობისმყოფელი იყო და ეს ნაბიჯიც მორიგი პროვოკაციაა", - აღნიშნა ვიქტორ დოლიძემ.

ცნობისთვის, რუსეთის პრეზიდენტმა ე.წ. სამხრეთ ოსეთში რუსეთის დე-ფაქტო ელჩად მარატ კულახმეტოვი დანიშნა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთმა და უკრაინამ მშვიდობიანი მოქალაქეები გაცვალეს

ვენესუელაში მიწისძვრის შედეგად დაღუპულთა რიცხვი 1430-მდე გაიზარდა

ALGORITHM WATCH:შსს-მ სახის ამომცნობი კამერები მოსკოვში დაფუძნებული კომპანიისგან შეისყიდა

პატარიძე ხოშტარიაზე: ექიმის დასკვნის გარეშე ბრიფინგებით საუბარი "აბსურდის თეატრია"