ოჯახის სიწმინდის დღესთან დაკავშირებით, ღონისძიებები 5 სხვადასხვა ადგილზე მიმდინარეობს.

მრევლი და სასულიერო პირები ფილარმონიასთან, ვარდების მოედანზე, ოპერისა და პარლამენტის შენობებთან, ასევე პუშკინის სკვერის მიმდებარე ტერიტორიაზე არიან შეკრებილი.

სასულიერო პირები საზეიმო პარაკლისს იხდიან და ლოცვას აღავლენენ. ღონისძიებები ქართული საგალობლების და პატრიოტული მუსიკის ფონზე მიმდინარეობს.

ახალგაზრდული მოძრაობა „დავითიანნის“ ინფორმაციით, დღეს თბილისში აწყურის და ივერიის ღვთისმშობლის ხატები შემობრძანდება.

13:00 საათზე კი, „ვარდების„ მოედნიდან (სასტუმრო „რედისონის“ მიმდებარე ტერიტორია) მსვლელობა დაიწყება სამების საკათედრო ტაძრისკენ.

„სამების საკათედრო ტაძარში უწმინდესი და უნეტარესი ილია II გადაიხდის პარაკლისს, დალოცავს ოჯახებს, მრევლს და სრულიად საქართველოს“, - აცხადებენ „დავითიანნში“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის

სიკორსკი: რუსეთს პოლონეთზე თავდასხმის რესურსები არ აქვს, მაგრამ ისინი რაღაცას ამზადებენ

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს