ლანჩხუთის და ჩოხატაურის მაჟორიტარ ნინო წილოსანის ინიციატივით და საჩხერის სამედიცინო ცენტრის მხარდაჭერით, გურიის მოსახლეობას საშუალება მიეცა, უფასოდ მიეღო სამედიცინო კონსულტაცია და გაევლო დიაგნოსტიკური და კლინიკო-ლაბორატორიული კვლევები.

აქცია14 მაისს, შეკვეთილში, გადაუდებელი სამედიცინო დახმარების კლინიკა „დოსტაქარში“ ჩატარდა. სპეციალურად ამ აქციისთვის საჩხერის სამედიცინო ცენტრიდან მოწვეულმა ექიმებმა მსურველებს გაუწიეს კონსულტაციები და ჩაუტარეს კვლევები კარდიოლოგიის, ონკოლოგიის და მამოლოგიის მიმართულებებით.
მთელი გურიის რეგიონიდან შეკვეთილამდე და უკან აქციის მონაწილეთა უფასო მგზავრობა ნინო წილოსანის ბიურომ უზრუნველყო.
შეკვეთილისკენ ტრანსპორტი გაემგზავრა: ლანჩხუთიდან, სუფსიდან, ძიმითიდან, ჩოხატაურიდან.
დეპუტატის ამ ინიციატივით ამჯერად 150-მა ადამიანმა ისარგებლა.

დეპუტატის ბიურო მსგავს აქციებს მომავალშიც გეგმავს. „ამ ეტაპზე გამოიკვეთა კონკრეტული მოთხოვნილებები და ასევე ტექნიკური ხასიათის პრობლემები, რომელთა გათვალისწინებითა და გადაჭრით ჩვენ შევძლებთ, სამომავლოდ ამ აქციებს უფრო მასშტაბური სახე მივცეთ,“ - დასძენს ნინო წილოსანი.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის

სიკორსკი: რუსეთს პოლონეთზე თავდასხმის რესურსები არ აქვს, მაგრამ ისინი რაღაცას ამზადებენ

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს