ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა  ვიქტორ დოლიძემ ევროპის ფონდის და კავკასიის კვლევითი რესურსების ცენტრის მეურვეთა საბჭოს წევრებთან შეხვედრა გამართა.

როგორც შეხვედრის დასრულების შემდეგ დოლიძემ აღნიშნა, ევროპის ფონდი მნიშვნელოვანი ორგანიზაციაა მაღალკვალიფიციური ექსპერტებით.

„ევროპის ფონდი არის ძალიან მნიშვნელოვანი ორგანიზაცია, რომელიც  მაღალკვალიფიციური ექსპერტებისგან შედგება.  ისინი ეხმარებიან საქართველოს  ტექნიკური კონსულტაციების გაწევაში და  მომზადებაში, რომელიც კვალიფიკაციის ამაღლებას უწყობს ხელს, ასევე რა თქმა უნდა ექსპერტულ დახმარებას გვიწევს ძალიან ბევრი მიმართულებით. მადლობა მინდა მათ  გადავუხადო. მათთან თანამშრომლობა, პრობლემის იდენტიფიკაცია, ასოცირების შესახებ  შეთანხმების მომავალი უკეთესი იმპლემენტაციის თვალსაზრისით და თან სამოქალაქო სექტორთან ერთად ეს სიახლოვე , რა თქმა უნდა ყოველთვის გვადგება და ამიტომაც მე მაქსიმალურად ვცდილობ, რომ მათთან კონტაქტში ვიყო“,-განაცხადა ვიქტორ დოლიძემ.

მეურვეთა საბჭოს ვიზიტის დროს დაგეგმილია შეხვედრები სხვადასხვა სახელმწიფო სტრუქტურებისა და დიპლომატიური კორპუსის წარმომადგენლებთან, არსებულ და პოტენციურ დონორებთან.

შეხვედრის მიზანი პროგრამებისა და პრიორიტეტების გაცნობა და რეგიონში არსებული პოლიტიკური თუ ეკონომიკური მდგომარეობის შეფასება იყო, რაც დაეხმარება საბჭოს წევრებს უკეთ გაანალიზონ არსებული გამოწვევები და საჭიროებები სამომავლო სტრატეგიის დასაგეგმად.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე თელავის სტიქიაზე - ნებართვები არასწორად იყო გაცემული. ასე მიმაჩნია, თუმცა შევისწავლით

აქტივისტ ისაკო დევიძეს საპროცესო შეთანხმება გაუფორმდა - ის საპატიმროს 6 თვეში დატოვებს

14-16 ივლისს საქართველოში მოსალოდნელია მაღალი ტემპერატურის ფონზე დროგამოშვებით ნალექიანი ამინდი

კობახიძე - ქვეყანა იმართება ეფექტიანად, მათ შორის ეკონომიკური თვალსაზრისით