განათლების სამინისტროში, ქართულ სკოლებში პრორუსული არასამთავრობო ორგანიზაციის მიერ ღია გაკვეთილის ჩატარებას კატეგორიულად უარყოფენ .

როგორც განათლების და მეცნიერების სამინისტროში "ექსპრესნიუსს" განუცხადეს, აღნიშნულ ღონისძიებაზე უწყებას ინფორმაცი არ აქვს.

ამასთან როგორც „ექსპრესნიუსს“ სკოლა „დეას“ დირექტორმა ვერა გურულაშვილმა უთხრა, რომ, „რუსი ახალგაზრდების საქართველოს კავშირის“ წარმოამდგენლები სკოლაში მივიდნენ და ღია გაკვეთილის ჩატარება მოითხოვეს.

„დაახლოებით ერთი კვირის წინ, სკოლაში „რუსი ახალგაზრდების საქართველოს კავშირის“ წარმოამდგენლები მოვიდნენ და ღია გაკვეთილის ჩატარება შემოგვთავაზეს. თუმცა, მოსწავლეებმა რუსული ენა სრულყოფილად არ იციან და ჩატარებულ გაკვეთილს ვერ გაიგებდნენ. ორგანიზაცია ჩვენ არ მოგვიწვევია,“ - აცხადებს ვერა გურულაშვილი.

მისივე თქმით, „რუსი ახალგაზრდების საქართველოს კავშირი“ მსგავს გაკვეთილებს ატარებს თბილისის რიგ სკოლებში, თუმცა, კონკრეტულ სასწავლებლებს ვერ ასახელებს. 
გავრცელებული ინფორმაციით, ღია გაკვეთილები ორგანიზაციამ საქართველოს რამდენიმე სკოლაში, მათ შორის თბილისის სკოლაში და „დეაში“ ჩაატარა. დიდი სამამულო ომის თემაზე ღია გაკვეთილი ქვემო ქართლის რუსულენოვანი საზოგადოება „როდნიკის“ ხელშეწყობით რუსთავის #3-ე სკოლაშიც გაიმართა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი

ოცნების პარლამენტმა ფორმულას ჟურნალისტ ნინი ბალანჩივაძეს 6 თვით აკრედიტაცია შეუწყვიტა